فوتو: pixabay.com
ۆەدومستۆونىڭ مالىمەتىنشە, تەك ەلوردا اۋەجايىندا جۇرگىزىلگەن جەدەل-ىزدەستىرۋ شارالارىنىڭ ناتيجەسىندە بيىلعى التى اي ىشىندە 34 مىڭنان استام اۋە رەيسى مەن 4,3 ميلليوننان استام جولاۋشى تەكسەرىلگەن. وسى جۇمىستار بارىسىندا 100-دەن استام تىيىم سالىنعان زاتتار مەن بۇيىمداردى زاڭسىز الىپ ءوتۋ ارەكەتتەرى اشكەرەلەنىپ, 53 قىلمىس پەن 1348-دەن استام اكىمشىلىك قۇقىقبۇزۋشىلىق تىركەلگەن. سونىمەن قاتار, 43 بىرلىك اتىس جانە سۋىق قارۋ تاركىلەنگەن.
كولىكتەگى پوليتسيا دەپارتامەنتى ىشكى ىستەر مينيسترلىگىمەن بىرلەسىپ, اۋە جانە تەمىرجول كولىكتەرىندەگى قوعامدىق ءتارتىپ پەن جولاۋشىلار قاۋىپسىزدىگىن قامتاماسىز ەتۋ, قوعامدا «زاڭ مەن ءتارتىپ» قاعيداتىن نىعايتۋ باعىتىندا جۇيەلى جۇمىس جۇرگىزىپ جاتىر.
دەپارتامەنت باستىعىنىڭ ءبىرىنشى ورىنباسارى ماديار ايتۋعانوۆتىڭ ايتۋىنشا, 2025 جىلدىڭ باسىنان بەرى كولىكتەگى پوليتسيا قىزمەتكەرلەرى 20 ميلليونعا جۋىق جولاۋشىنىڭ قاۋىپسىزدىگىن قامتاماسىز ەتكەن. ونىڭ ىشىندە 11 ميلليوننان استامى تەمىرجولمەن, 8,9 ميلليوننان استامى اۋە كولىگىمەن قاتىناعاندار.
ماسەلەن, استانا قالاسىنىڭ حالىقارالىق اۋەجايى ارقىلى التى اي ىشىندە 4,3 ميلليوننان استام جولاۋشى قاتىناعان. ونىڭ 2 997 981-ءى ىشكى, 1 376 954-ءى حالىقارالىق باعىتتاعى رەيستەر جولاۋشىلارى.
«كولىك نىساندارىن زاڭسىز ارالاسۋ ارەكەتتەرىنەن قورعاۋ – ءاردايىم وزەكتى ماسەلە. سوندىقتان قۇقىق قورعاۋ قىزمەتكەرلەرى قۇقىقبۇزۋشىلىقتىڭ الدىن الۋ مەن ازاماتتاردىڭ قاۋىپسىزدىگىن قامتاماسىز ەتۋگە ەرەكشە كوڭىل ءبولىپ وتىر», دەدى ايتۋعانوۆ.
وسى ماقساتتا دەپارتامەنت پەن ونىڭ ايماقتىق بولىمشەلەرى «قۇقىقتىق ءتارتىپ», «كولىكتەگى قاۋىپسىزدىك», «ميگرانت», «قارا سورا» سەكىلدى پروفيلاكتيكالىق ءىس-شارالاردى تۇراقتى تۇردە وتكىزىپ كەلەدى. بۇل ناۋقاندار قىلمىستىڭ الدىن الۋعا, سونداي-اق كولىك سالاسىنداعى ءتارتىپ پەن حالىقتىڭ قۇقىقتىق مادەنيەتىن ارتتىرۋعا باعىتتالعان.
ء«بىزدىڭ باستى ماقساتىمىز – ءار ازاماتقا, سونىڭ ىشىندە جولاۋشىلار مەن كولىك ينفراقۇرىلىمى قىزمەتكەرلەرىنە ءوزىن قاۋىپسىز ءارى جايلى سەزىنەتىن ورتا قالىپتاستىرۋ. قۇقىقبۇزۋشىلىقتارعا قارسى سەنىمدى جۇيە قۇرۋ – ءبىزدىڭ باسىمدىق», دەپ اتاپ ءوتتى ايتۋعانوۆ.
ايتا كەتەرلىگى, بۇگىندە دەپارتامەنت جۇمىسىنا زاماناۋي تسيفرلىق شەشىمدەر بەلسەندى ەنگىزىلىپ, قوعامدىق ءتارتىپتى قامتاماسىز ەتۋ مەن قىلمىستىڭ ءىزىن سۋىتپاي اشۋدا قىزمەتتىك-ىزدەستىرۋ يتتەرى دە كەڭىنەن قولدانىلىپ كەلەدى.
ء«بىز ءاردايىم جەدەل جاعدايدى تالداپ, ءتارتىپ ساقشىلارىن قىلمىس قاۋپى جوعارى ايماقتارعا جىبەرەمىز. تۇراقتى تۇردە رەيدتەر وتكىزىلەدى. جىل باسىنان بەرى 48 مىڭعا جۋىق ازامات اكىمشىلىك جاۋاپكەرشىلىككە تارتىلدى. كولىكتەگى پوليتسيا دەپارتامەنتى قۇقىق بۇزۋشىلىقتىڭ الدىن الۋ, ازاماتتاردىڭ كونستيتۋتسيالىق قۇقىقتارى مەن بوستاندىقتارىن قورعاۋ, سونداي-اق كولىك ينفراقۇرىلىمى نىساندارىندا قاۋىپسىز ورتا قالىپتاستىرۋ ماقساتىنداعى الدىن الۋ شارالارىن كەشەندى تۇردە جالعاستىرىپ جاتىر», دەدى دەپارتامەنت باستىعىنىڭ ءبىرىنشى ورىنباسارى.
ەسكە سالا كەتەيىك, 2025 جىل – ىشكى ىستەر مينيسترلىگى تاراپىنان «قۇقىقبۇزۋشىلىقتىڭ الدىن الۋ جىلى» دەپ جاريالانعان. نەگىزگى ماقسات – قىلمىس پەن قۇقىقبۇزۋشىلىقتاردىڭ الدىن الىپ, وعان جول اشاتىن سەبەپتەر مەن جاعدايلاردى جويۋ. پوليتسيا «زاڭ مەن ءتارتىپتىڭ» بەرىك قورعانى بولۋعا ۇمتىلىپ كەلەدى.
