فوتو: ۇكىمەتتىڭ ءباسپاسوز قىزمەتى
كەزدەسۋدە قازاقستان مەن رەسەي اراسىنداعى ستراتەگيالىق ارىپتەستىك پەن وداقتاستىققا نەگىزدەلگەن تىعىز جانە سىندارلى ىنتىماقتاستىقتىڭ جوعارى دەڭگەيى اتاپ ءوتىلدى. ايتا كەتەيىك, 2024 جىلى ەكى ەل اراسىنداعى تاۋار اينالىمى $27,8 ملرد-تى قۇراسا, 2025 جىلدىڭ العاشقى بەس ايىندا بۇل كورسەتكىش $9,6 ملرد بولعان.
«مەملەكەتتەر باسشىلارىنىڭ تاپسىرماسى بويىنشا ءبىز ءوزارا ساۋدا كولەمىن $30 ملرد-قا دەيىن ۇلعايتۋ بويىنشا ماقساتتى جۇمىس جۇرگىزىپ جاتىرمىز. ينۆەستيتسيالىق ىنتىماقتاستىقتا زور مۇمكىندىكتەر بار. جالپى, ەكىجاقتى ءوزارا ءىس-قيمىل ماسەلەلەرىنىڭ كەڭ اۋقىمىن شەشۋدە ىنتىماقتاستىق جونىندەگى ۇكىمەتارالىق كوميسسيانىڭ ءتيىمدى قىزمەتىن اتاپ وتكىم كەلەدى», دەدى ولجاس بەكتەنوۆ.
سونداي-اق تاراپتار بيىلعى كۇزدە ورال قالاسىندا وتەتىن قازاقستان مەن رەسەيدىڭ XXI وڭىرارالىق ىنتىماقتاستىق فورۋمىنا دايىندىق بارىسىن پىسىقتادى.
كەزدەسۋ سوڭىندا قوس تاراپ ەكىجاقتى ەكونوميكالىق ىنتىماقتاستىقتى بارلىق باسىم باعىتتار بويىنشا ودان ءارى تەرەڭدەتۋگە نيەتتى ەكەندەرىن راستادى.
