فوتو: 9emhana.kz
ا.ءالنازاروۆانىڭ ايتۋىنشا مينيسترلىك ەمحانالاردىڭ قىزمەتتەرىن جەتىلدىرۋ بويىنشا بىلتىر جۇمىس باستاعان, سالا مينيسترلىگىنىڭ ءبىراز بۇيرىقتارىنا وزگەرىستەر ەنگىزىلدى, ستاندارتتار وزگەرتىلدى. ونىڭ ىشىندە ەم الۋشىلار باعدارىن بارىنشى وڭتايلاندىرۋ بويىنشا شارالار قابىلداندى.
«سونىمەن قاتار وزدىگىنەن قابىلداۋعا جازىلۋ ماسەلەسى بىلتىردان باستاپ ءبىزدىڭ باقىلاۋىمىزعا الىندى. ونىڭ ىشىندە ەلەكتروندى قوسىمشالار ارقىلى جازىلۋ 4 پايىزدان اسپايتىن. بۇگىندە 70 پايىزدان استى. سونداي-اق حرونيكالىق ديسپانسەرلىك ەسەپتە تۇراتىن ناۋقاستاردى دارىگەرگە بارۋدان بۇرىن مەدبيكە تولىعىمەن تەكسەرىپ, بارلىق اناليزدەرىمەن جىبەرەدى. جانە دە اۋرۋحانالارعا جاتۋ ءۇشىن اناليزدەردىڭ سانىن ازايتتىق. حالىقارالىق ستاندارتتارعا سۇيەنىپ بەرىلگەن اناليزدەردىڭ جارامدىلىق مەرزىمىن ۇزارتتىق. اتالعان ستاندارتتاردىڭ جەرگىلىكتى جەرلەردە جۇمىس ىستەۋى ءالى دە كۇردەلى بولىپ وتىر. سوندىقتان بيىلدان باستاپ ءبىز 20 وڭىرگە مونيتورينگتىك توپ جىبەردىك. بۇل تەك تەكسەرۋ ەمەس, جۇمىستى جۇيەلى ۇيىمداستىرۋعا مۇمكىندىك بەرەدى», دەدى مينيستر.
