فوتو: Informburo.kz
بۇعان دەيىن بۇل قىزمەت تەك eGov.kz ەلەكتروندى ۇكىمەت پورتالىندا ۇسىنىلاتىن. ەندى قولدانۋشىلار ونى سمارتفون ارقىلى جىلدام ءارى ىڭعايلى تۇردە پايدالانا الادى.
قىزمەت كەمىندە ءبىر سەمەستر ءبىلىم العان اسكەري وقۋ ورىندارىنىڭ بۇرىنعى كۋرسانتتارىنا ارنالعان. ءوتىنىش تسيفرلىق فورماتتا قالىپتاستىرىلادى, ال قاجەتتى دەرەكتەردىڭ باسىم بولىگى مەملەكەتتىك اقپاراتتىق جۇيەلەردەن اۆتوماتتى تۇردە جۇكتەلەدى. بۇل پروتسەستى جەڭىلدەتەدى. الايدا, ءوتىنىشتى وقۋدان شىعارىلعان كۇننەن باستاپ ءبىر جىل ىشىندە عانا بەرۋگە بولاتىنىن ەسكەرۋ قاجەت.
قىزمەتتى پايدالانۋ ءتارتىبى:
- eGov Mobile ءموبيلدى قوسىمشاسىنا كىرىپ, اۆتوريزاتسيادان ءوتۋ قاجەت;
- «قىزمەتتەر» – «اسكەري ەسەپكە الۋ» بولىمىنە ءوتۋ;
- «قازاقستان رەسپۋبليكاسى قورعانىس مينيسترلىگىنىڭ اسكەري وقۋ ورىندارىنا قايتا قابىلداۋ» قىزمەتىن تاڭداۋ;
- وقۋ ورنى مەن وقۋدان شىعارىلعان مەرزىم تۋرالى اقپاراتتى كورسەتۋ;
- جەكە دەرەكتەردى وڭدەۋگە كەلىسىم بەرۋ;
- قاجەتتى قۇجاتتاردى جۇكتەۋ;
- ەتسق نەمەسە بالامالى ادىستەر ارقىلى وتىنىشكە قول قويۋ قاجەت.
اتالعان قىزمەت تەگىن كورسەتىلەدى. قاراۋ مەرزىمى – 20 جۇمىس كۇنى. ءوتىنىشتىڭ ناتيجەسى «جەكە كابينەت تاريحى» بولىمىندە كورسەتىلەدى. ەگەر قايتا قابىلداۋعا نەگىز بولماسا, پايدالانۋشى دالەلدى باس تارتۋ تۋرالى جاۋاپ الادى.
ايتا كەتەيىك, تسيفرلىق جاڭالىق قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى, «ۇلتتىق اقپاراتتىق تەحنولوگيالار» اق جانە قر قورعانىس مينيسترلىگىنىڭ بىرلەسكەن جۇمىسى ناتيجەسىندە جۇزەگە استى.
