ايتا كەتەيىك, بۇل باعا – وتباسى بانكىنىڭ قارجىلىق جانە ۇلتتىق دامۋ ينستيتۋتى رەتىندەگى تۇراقتىلىعى مەن سەنىمدىلىگىنىڭ ماڭىزدى كورسەتكىشى.
Fitch ساراپشىلارى بانكتىڭ قارجىلىق جاعدايىنىڭ تۇراقتالىعىن, اشىقتىعىن جانە تيىمدىلىگىن راستايدى. سالىمشىلار ءۇشىن بۇل باعالاۋ جيناقتارىنىڭ سەنىمدىلىگى مەن قاۋىپسىزدىگىنە قوسىمشا كەپىل بولادى.
«وتباسى بانك ارقىلى ءوز باسپاناسىنا اقشا جيناپ جاتقان قازاقستاندىقتاردىڭ سانى 3,2 ميلليونعا جەتتى. 2025 جىلدىڭ العاشقى 6 ايىندا دەپوزيتتەرگە تۇسكەن قاراجات كولەمى – 616 ملرد تەڭگەنى قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 39%-عا جوعارى. كليەنتتەرىمىز جيناپ جاتقان ءاربىر تەڭگەنىڭ ارتىندا ناقتى ماقسات تۇر. بۇل – ءوز باسپاناسىنا قول جەتكىزۋ, وتباسىنىڭ اماندىعى مەن بولاشاققا دەگەن سەنىمدىلىك. Fitch اگەنتتىگىنىڭ باعالاۋى ازاماتتاردىڭ جيناقتارى تۇراقتى ءارى سەنىمدى بانكتە ەكەنىن راسستايدى. ءبىز ولاردىڭ سەنىمىن ساقتاپ قانا قويماي, ارتتىرا تۇسەمىز. ناتيجەسىندە جۇمىس ىستەيتىن ءاربىر ءۇشىنشى قازاقستاندىق بولاشاقتا قولجەتىمدى شارتتارمەن ءوز باسپاناسىن ساتىپ الۋ ءۇشىن وتباسى بانكىن تاڭداپ وتىر», دەدى «وتباسى بانك» اق باسقارما ءتورايىمى ءلاززات يبراگيموۆا.
بيىل وتباسى بانكتە 474 054 قازاقستاندىق جاڭا دەپوزيت اشقان. جيناق شوتىنداعى قاراجات ولارعا بولاشاقتا ەلدەگى ەڭ تومەنگى پايىزدىق مولشەرلەمەمەن – جىلدىق 3,5%-دان (جتسم 3,6%-دان 4,4%-عا دەيىن) جىلدىق 8,5%-عا دەيىن (جتسم 9%-دان 9,6%-عا دەيىن) كرەديت راسىمدەپ, تۇرعىن ءۇي ساتىپ الۋعا مۇمكىندىك بەرەدى. تەڭگەدەگى ۇزاق مەرزىمدى قازاقستاندىق سالىمدارداعى بانكتىڭ ۇلەسى 33%-عا تەڭ. بانك كليەنتتەرىنىڭ جيناق شوتتارىندا 2,5 ترلن تەڭگە بار.
كۇن سايىن وتباسى بانكتىڭ كومەگىمەن 300-دەن استام قازاقستاندىق زاەم الىپ, قونىس تويىن تويلاپ جاتىر. بانكتىڭ ەلدەگى بارلىق يپوتەكا پورتفەلىندەگى ۇلەسى 51%-دى قۇرايدى (01.06.2025 جىلعى دەرەكتەر بويىنشا). جىل باسىنان بەرى بانك 37 965 زاەم بەردى. بۇل رەتتە كليەنتتەردىڭ شامامەن 80%-ى مەملەكەتتىك باعدارلامالار شەڭبەرىندە ەمەس, باستاپقى جارناعا اقشا جيناپ, كوممەرتسيالىق نارىقتان باسپانا ساتىپ العان.
بانكتىڭ NPL دەڭگەيى (90 كۇننەن استام مەرزىمى وتكەن نەسيەلەر ۇلەسى) قازاقستانداعى ەدب اراسىنداعى ەڭ تومەن كورسەتكىشتەردىڭ ءبىرى – نە ءبارى 0,12%-عا تەڭ. بۇل كورسەتكىش نارىقتاعى ورتاشا NPL دەڭگەيىنىڭ كورسەتكىشى 3,39%-دان ەداۋىر تومەن.
قازىرگى تاڭدا وتباسى بانك قازاقستانداعى ەدب اراسىندا اكتيۆتەر كولەمى بويىنشا بەسىنشى, ال مەنشىكتى كاپيتال بويىنشا ءتورتىنشى ورىندا تۇر. بۇگىندە وتباسى بانكتىڭ قولداۋىمەن تۇرعىن ءۇي قۇرىلىس جيناق جۇيەسى سەنىمدىلىگىنىڭ ارقاسىندا 600 000 قازاقستاندىق وتباسى ءوز ۇيلەرىندە تۇرىپ جاتىر.
