فوتو: pixabay.com
ۆەدومستۆونىڭ مالىمەتىنشە, الەۋمەتتىك جەلىلەردە شەتەلدىك ازامات رەتىندە تانىساتىن الاياقتار ماحاببات پەن سەنىمگە مۇقتاج جانداردى ارباپ, الدىمەن جىلى سوزدەر ايتىپ, جاقىن ارالاسۋعا تىرىسادى. كەيىنىرەك ءتۇرلى سىلتاۋمەن كومەك سۇراپ, قارجى اۋدارۋدى وتىنەدى.
مىسالى, استانا قالاسىنىڭ ءبىر تۇرعىنى ينتەرنەت ارقىلى تانىسقان ادامىنا سەنىپ, 9 ميلليون تەڭگەدەن استام اقشاسىنان ايىرىلعان.
مينيسترلىك ازاماتتارعا الاياقتىق بەلگىلەرىن اجىراتا بىلۋگە كەڭەس بەرەدى. اتاپ ايتقاندا:
-
تىم تەز بىلدىرىلەتىن سەزىم مەن ۇيلەنۋگە قاتىستى ۇسىنىستار;
-
ۆيدەوقوڭىراۋعا شىعۋدان نەمەسە كەزدەسۋدەن باس تارتۋ;
-
ومىرىندەگى اۋىر جاعدايلار تۋرالى ايتىپ, اياۋشىلىق تۋدىرۋ;
-
اقشا, قۇجات نەمەسە باعالى زاتتاردى جىبەرۋدى سۇراۋ.
«بوگدە ادامدارعا سەنىپ, قارجى اۋدارۋعا اسىقپاڭىزدار. كۇماندى جاعداي تۋىنداسا, 102 نومىرىنە حابارلاسقانىڭىز ءجون», دەلىنگەن مينيسترلىكتىڭ رەسمي ەسكەرتۋىندە.
