فوتو: azh.kz
سونىڭ ءبىرى سوڭعى جىلدارى ەلدەگى مادەنيەت وشاقتارى مەن تەاترلاردىڭ جەرلەۋ بيۋروسىنا اينالىپ بارا جاتقانداي اسەر قالدىرۋى. ا.بالاەۆا مۇنىڭ ويلاناتىن ماسەلە ەكەنىن ەسكە سالىپ, ەندىگى رەتتە جازۋشىلار وداعى دا ەسكەرەتىنىنە سەنىم ءبىلدىردى.
«بۇرىن الماتى قالاسى اكىمدىگىندە قىزمەت ەتىپ جۇرگەن كەزىمدە ون كۇننىڭ ىشىندە بىرنەشە تانىمال تۇلعا ومىردەن ءوتتى. سول كەزدە تەاتر جەتەكشىسى تالعات تەمەنوۆ قوڭىراۋ شالىپ, اكتەرلەر كۇندىز – قوشتاسۋ راسىمىندە, كەشكە – سپەكتاكلدە جۇرەتىنىن, ءبارىنىڭ كوڭىل كۇيى, ەڭسەسى ءتۇسىپ كەتكەنىن ايتتى. «قاستەرلى وردا جەرلەۋ بيۋروسىنا اينالىپ كەتكەن جوق پا؟» دەگەن قىنجىلىسىن ءبىلدىردى. بۇل اڭگىمە ءالى كۇنگە دەيىن ەسىمدە. شىنىندا دا, ءبىز شىعارماشىلىق ادامداردىڭ مورالدىق-پسيحولوگيالىق جاعدايىن ەسكەرمەيتىن سەكىلدىمىز. ەكىنشىدەن, كەڭەستىك كەزەڭنەن قالعان داستۇرلەردى سول قالپىندا بۇگىنگە دەيىن جالعاستىرا بەرۋ قانشالىقتى دۇرىس؟! ارينە, ونەر مەن ادەبيەتكە ەڭبەگى سىڭگەن جانداردىڭ ەسىمى ۇمىت قالماۋى كەرەك. بىراق ولاردىڭ رۋحىن ۇلىقتاۋ مەن قوشتاسۋ راسىمدەرىنىڭ فورماتى مەن وتەتىن ورنى – قوعام مەن مادەنيەت ءۇشىن قايتا قارالاتىن كەزەڭگە جەتكەندەي. ونەر ورداسى – رۋحاني بيىكتىك پەن شىعارماشىلىقتى تۋ ەتەتىن كيەلى مەكەن. الايدا ەگەر ونىڭ ساحناسى ءجيى قارالى جيىندار وتەتىن ورىنعا اينالسا, بۇل – الاڭداتارلىق جاعداي. مۇنداي ءۇردىس ءبىر جاعىنان كورەرمەن مەن اكتەر, ساحنا مەن سانا اراسىنداعى بايلانىستى السىرەتەدى» دەگەن ويىن ورتاعا سالعان مينيستر ماسەلەنى ەموتسيامەن ەمەس, پاراساتپەن قابىلدايتىن ۋاقىت جەتكەنىن جەتكىزدى.
قازىرگى تاڭدا اكەم-تەاترعا بالانعان م.اۋەزوۆ جانە اتىنداعى قازاق ۇلتتىق دراما تەاترىندا جانە ن.ساتس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترىندا جوندەۋ جۇمىستارى ءجۇرىپ جاتىر. 2026 جىلى عاسىر تويىن اتاپ وتەتىن اۋەزوۆ تەاترىنىڭ تاريح تولقىنىندا جۇتىلماعان بەينەسىن ساقتاپ قالۋ, وزگەدە تەاترلاردىڭ ىشكى مازمۇنىن ىلگەرىلەتۋ قوعام سۇرانىسى.
«ەلىمىزدەگى مادەنيەت نىساندارىنىڭ باسىم بولىگى كۇردەلى جوندەۋدى قاجەت ەتەدى. بۇل – جىلدار بويى قوردالانعان ماسەلە. ءبىز بۇل مىندەتتى تەك بيۋدجەت ەسەبىنەن ەمەس, دەمەۋشىلەر مەن مەتسەناتتاردى تارتا وتىرىپ, مادەنيەتتى جاڭعىرتۋدى بۇكىل قوعامنىڭ ورتاق ىسىنە اينالدىرۋعا تىرىسىپ كەلەمىز.
ال ن.ساتس اتىنداعى مەملەكەتتىك اكادەميالىق ورىس بالالار مەن جاسوسپىرىمدەر تەاترى عيماراتىنىڭ رەكونسترۋكتسياسى الماتى قالاسى اكىمدىگىنىڭ قولداۋىمەن 2025 جىلدىڭ ناۋرىز ايىنان باستاپ جۇرگىزىلۋدە. جوبا قۇرىلىس-مونتاجداۋ جۇمىستارىن, ماتەريالدىق-تەحنيكالىق بازانى تولىق جاڭارتۋدى جانە جالپى اۋدانى 10 560 شارشى مەتر بولاتىن جاڭا كەڭەيتىلگەن عيماراتتى قامتيدى. وندا 200 ورىندىق كامەرالىق ساحنا, وندىرىستىك تسەحتار, اكىمشىلىك جانە قويما ءۇي-جايلارى ورنالاساتىن بولادى.
سونداي-اق رەكونسترۋكتسيا بارىسىندا تەاتر جابدىقتارىنىڭ 100%-ى جاڭارتىلماق. اتاپ ايتقاندا, ساحنا مەحانيكاسى, اكۋستيكا, دىبىس, جارىق, بەينە جۇيەلەرى تۇگەل جاڭارتىلادى», دەدى ايدا بالاەۆا.
قازاق ۇلتتىق وپەرا جانە بالەت تەاترى قۇردىمعا كەتىپ بارا ما؟
سۇحبات اياسىندا ۆەدوموستۆو باسشىسى تەاتردى باسقارىپ وتىرعان اينۇر كوپباساروۆانىڭ قىزمەتىنە قاتىستى ساۋالداردىڭ دا نۇكتەسىن قويدى.
«الەۋمەتتىك جەلىلەردە ايتىلىپ جۇرگەن «كوپباساروۆا مەنىڭ قۇربىم, تەاتردى قۇردىمعا كەتىرىپ جاتىر» دەگەن سىندار – نەگىزسىز. بۇل جەردە باستى ماسەلە – كاسىبيلىك پەن ناتيجە.ءيا, اينۇر كوپباساروۆاعا قاتىستى شاعىمدار تۇسكەنى راس. سارالاپ قاراساق, بىزگە تۇسكەن 14 شاعىمنىڭ 8-ءى ونىڭ قىزمەتىنە تىكەلەي قاتىستى. الايدا ولار نەگىزىنەن تەاتردىڭ شتاتتىق بيلەت تەكسەرۋشىلەرىنەن كەلىپ تۇسكەن. بۇل قىزمەتكەرلەر تەك ءىس-شارالار كەزىندە جۇمىس ىستەگەن. باسقا تەاترلاردا مۇنداي ماماندار ماۋسىمدىق نەمەسە كەلىسىمشارت نەگىزىندە عانا قىزمەت اتقارادى. تەاتر ماۋسىمى اياقتالعان سوڭ بۇل شتات قاجەت بولماي قالادى. سوندىقتان اتالعان وزگەرىستەر تەاتر قۇرىلىمىنىڭ قايتا جاساقتالۋىنا بايلانىستى قولدانىستاعى زاڭناماعا سايكەس جۇرگىزىلدى», دەپ اتاپ ءوتتى مينيستر.
