اكتسيا بارىسىندا شىمبۇلاقتان باستاپ تاۋدا قايتىس بولعان الپينيستەر مەموريالىنا دەيىنگى جولدان جارتى تونناعا جۋىق قوقىستى (491 كگ) جيناپ شىقتى. ونىڭ 198 كەلىسى قايتا وڭدەۋگە جىبەرىلىپ, قالعانى تيىسىنشە كادەگە جاراتىلدى.
بۇل باستاما شىمبۇلاقتىڭ تابيعاتتى ايالاۋ مادەنيەتى مەن تۇراقتى دامىتۋعا باعىتتالعان ەكولوگيالىق جوبالار لەگىنە جاتادى. اكتسياعا ىلە-الاتاۋى ۇلتتىق تابيعي پاركىنىڭ, «مەدەۋ» مەملەكەتتىك وڭىرلىك تابيعي پاركى مەملەكەتتىك مەكەمەسى, الماتى قالاسى تۋريزم باسقارماسى, الماتى قالاسىنىڭ الپينيزم فەدەراتسياسىنىڭ وكىلدەرى, سونداي-اق Wildnature.volunteers, Recycle Birge, Hello Eco ەرىكتىلەرى جانە الماتى قالاسىنىڭ بەلسەندى تۇرعىندارى قوسىلدى.
قاتىسۋشىلار قوقىستى جيناپ قانا قويماي, ونى مۇقيات سۇرىپتاپ, قايتا وڭدەلەتىنىن (پلاستيكالىق جانە شىنى بوتەلكەلەر, قاڭىلتىر بانكالار) وڭدەلمەيتىن قالدىقتاردان ءبولىندى. بارلىق جينالعان قوقىس ەرىكتىلەردىڭ كۇشىمەن شىمبۇلاق اۋماعىنا جەتكىزىلدى, ال قايتا كادەگە جارايتىن قالدىقتار Recycle Birge قولداۋىمەن مامانداندىرىلعان كاسىپورىندارعا شىعارىلدى.
سەنبىلىك كەزىندە تابىلعان ەڭ تاڭعاجايىپ ولجا - 17 جىل بويى تاۋدا جاتقان شىرىننىڭ قاڭىلتىر بانكىلەرى ەدى.
ايتقاندۆي, قايتا وڭدەلگەن پلاستيك بوتەلكەلەردەن شاڭعى تىرەۋىشتەرى دە جاسالادى.
"شىمبۇلاق" كۋرورتى قولعا العان بىرەگەي باستاما جازدىڭ سوڭىنا دەيىن جالعاسادى دەسەك, كۋرورت قوناقتارى Recycle Birge ەكواكتسيالارى اياسىنلا پلاستيكتى قالدىقتاردى تاپسىرا الادى. بۇل پلاستيك پايدالى ينفراقۇرىلىمعا - شاڭعى مەن سنوۋبوردتاردى ساقتاۋعا ارنالعان سورەلەرگە قايتا وڭدەلمەك.
شىمبۇلاقتا الداعى ۋاقىتتا دا مۇنداي اكتسيالار تۇراقتى تۇردە وتەدى. وسى ورايدا ەكولوگيالىق ۇيىمدارمەن, تابيعي پاركتەرمەن, ەرىكتىلەر قاۋىمداستىقتارىمەن ىنتىماقتاستىقتى نىعايتۋ جوسپارلانىپ وتىر.
كەلەسى ەكولوگيالىق شارالاردان حاباردار بولۋ ءۇشىن shymbulak.com سايتىنداعى جاڭالىقتاردى جانە كۋرورتتىڭ الەۋمەتتىك جەلىلەرىندەگى جاريالانىمداردى باقىلاپ وتىرۋعا بولادى.
