— بۇگىنگى فەستيۆال اياسىندا قىمىز رەكوردىن جاڭارتىپ وتىرمىز, وسى جەرگە بۇكىل ەل اۋماعىنان 30 تونناعا جۋىق قىمىز اكەلىندى, — دەدى «BaiQymyz» ۇلتتىق تاعامدار گاستروفەستيۆالى يدەياسىنىڭ اۆتورى, ۇيىمداستىرۋشى جۇماجان قالتاەۆ.
ونىڭ ايتۋىنشا, فەستيۆالدە ۇزدىك قىمىز ءتورت ادىسپەن تاڭدالادى.
— الدىمەن كەز كەلگەن ادام قىمىزدىڭ ءدامىن كورىپ, ۇناعان قىمىزعا QR كود ارقىلى داۋىس بەرە الادى. ەكىنشى ءادىس ۇزدىك قىمىزدى ادىلقازىلار القاسى باعالايدى. ۇشىنشىدەن, قىمىز ءوندىرۋشى ءوز ءونىمىن تانىستىرادى, ياعني پرەزەنتاتسيا جاسايدى. ءتورتىنشى ءادىس قىمىزعا لابوراتوريالىق تۇرعىدان زەرتتەلىپ, باعا بەرىلەدى, — دەيدى ول.
سونداي-اق ۇيىمداستىرۋشى قىمىز فەستيۆالىن وتكىزۋدى داستۇرگە اينالدىرۋ جوسپارى بارىن ايتتى.
— قىمىز فەستيۆالى — ىشكى جانە سىرتقى ءتۋريزمدى دامىتۋعا ىقپال ەتەدى دەگەن ۇمىتتەمىز, ءبىز سول ماقساتتى كوزدەپ وتىرمىز, — دەپ ءتۇسىندىردى جۇماجان قالتاەۆ.
