فوتو: gov.kz
شتابتا توتەنشە جاعدايلار دەپارتامەنتى, پوليتسيا دەپارتامەنتى, اكىمدىكتىڭ, ينۆەستيتسيالار جانە كاسىپكەرلىكتى دامىتۋ باسقارماسىنىڭ وكىلدەرى, بانك قىزمەتكەرلەرى, سالىق ورگاندارى جانە بازار اكىمشىلىگى كەزەكشىلىك ەتەدى. شتاب اياسىندا «بيگ شانحاي» بازارىنىڭ زارداپ شەككەن جالعا الۋشىلارى, كاسىپكەرلەرى جانە جۇمىسشىلارى بيزنەسىن قالپىنا كەلتىرۋ, جالداۋ, سالىقتىق جانە بانكتىك مىندەتتەمەلەر بويىنشا كەڭەس الا الادى.
قازىرگى ۋاقىتتا كاسىپكەرلەردىڭ سالىق تولەمدەرى مەن بانكتىك مىندەتتەمەلەرىن كەيىنگە شەگەرۋ ماسەلەسى قاراستىرىلىپ جاتىر. ساۋدا ورنىنداعى ورتتەن زارداپ شەككەن كاسىپكەرلەردىڭ ءتىزىمى بانكتەر مەن قارجى ۇيىمدارىنا جىبەرىلىپ, قولداۋ شارالارىن ارى قاراي قاراۋ جوسپارلانىپ وتىر.
«بيگ شانحاي» بازارىنىڭ ديرەكتورىنىڭ ايتۋىنشا, الداعى بىرنەشە كۇن ىشىندە زارداپ شەككەن بارلىق كاسىپكەرگە بالامالى ساۋدا ورىندارىن ۇسىنۋ ماسەلەسى شەشىلەدى.
شتاب «Anuar» سۋپەرماركەتىنىڭ 3-قاباتىندا, الاش تاسجولى, 30ا مەكەنجايىندا ورنالاسقان. اقپارات جانە كەڭەس الۋ ءۇشىن كولل-ورتالىق جۇمىس ىستەيدى: «بيگ شانحاي» بازارىنىڭ اكىمشىسى:+7 778 141 83 13, توعجان.
استانا قالاسىنىڭ اكىمدىگى كاسىپكەرلەردىڭ تەك رەسمي شتابقا جۇگىنگەنى ءجون ەكەنىن, سەبەبى بارلىق ناقتى ءارى شىنايى اقپارات سوندا ايتىلاتىنىن حابارلادى.
