«تاڭنان سۋىق حابار جەتتى. 85 جاسقا قاراعان شاعىندا قازاقستاننىڭ حالىق جازۋشىسى, «پلاتينالى تارلان» تاۋەلسىز سىيلىعىنىڭ لاۋرەاتى, ۇلت اقىنى, بەلگىلى دراماتۋرگ جانە دارىندى كومپوزيتور يسرايل ساپارباي اعامىز دۇنيەدەن ءوتتى. ءيا, ساعات ءتىلى قاسيەتتى جۇماعا قاراي اۋعاندا اقىنىڭ سوڭعى دەمى ءۇزىلدى. ۇلى اقىننىڭ قاسكەلەڭدەگى قارا شاڭىراعىندا, بالا-شاعاسىنىڭ الدىندا اۋىر ناۋقاستان قايتقانى تۋرالى حاباردى اعامىزدىڭ ۇلى نۇرلان يسرايل ۇلى حابارلادى», دەپ جازدى قاسىمحان بەگمانوۆ.
يسرايل ساپارباي – قازاق ليراكاسىن جوعارى دەڭگەيگە كوتەرىپ, ۇلتتىق رۋحتى بيىك دەڭگەيدە جىرلاعان تۇلعا. ونىڭ قالامىنان تۋعان ولەڭدەر, تەرەڭ مازمۇندى درامالار مەن جۇرەككە جول تاپقان اندەر تۇتاس بۋىننىڭ ساناسىنا ساۋلە ءتۇسىردى.
بىلتىر مەملەكەت باسشىسى قاسىم-جومارت توقاەۆ يسرايل ساپاربايعا مادەنيەت پەن ادەبيەتتى دامىتۋعا قوسقان ەلەۋلى ۇلەسى ءۇشىن «قازاقستاننىڭ حالىق جازۋشىسى» قۇرمەتتى اتاعىن بەرگەن بولاتىن.
