وبلىستىق پوليتسيا دەپارتامەنتىنىڭ حابارلاۋىنشا, ءتارتىپ ساقشىلارى دالالىق اۋماقتا جانۋاردىڭ ەتىن بۇزىپ جاتقان ەر ادامدى بايقاپ قالعان. تەكسەرۋ بارىسىندا ونىڭ 30 جاستاعى العا اۋدانىنىڭ تۇرعىنى ەكەنى انىقتالعان. اتالعان ازامات بۇلاندى اڭ اۋلاۋ ەرەجەلەرىن بۇزا وتىرىپ, زاڭسىز تۇردە اتىپ العانىن مويىنداعان. ول جانۋاردى ەتىن پايدالانۋ ماقساتىندا اتقانىن ايتقان.
«اڭشىنىڭ كولىگىن تەكسەرۋ كەزىندە تىركەلگەن ۇزىن ۇڭعىلى كارابين تابىلىپ, ايعاقزات رەتىندە تاركىلەندى. قازىرگى تاڭدا قىلمىستىق كودەكستىڭ 337-بابى بويىنشا (زاڭسىز اڭشىلىق) ءىس قوزعالدى. ساراپتامالار تاعايىندالىپ, كولىك اۋداندىق پوليتسيا بولىمىنە جەتكىزىلدى», دەلىنگەن وبلىستىق پد تاراتقان حابارلامادا.
ايتا كەتەيىك, اتالعان باپ بويىنشا كۇدىكتى ءۇش جىلعا دەيىن باس بوستاندىعىنان ايىرىلۋى مۇمكىن. سونىمەن قاتار, زاڭسىز اڭشىلىق جاساعان ازاماتتىڭ مۇلكىن تاركىلەۋ تۇرىندەگى جازا دا قاراستىرىلعان.
ايتك كەتەيىك, بۇلان – ەلىمىزدە سيرەك كەزدەسەتىن, اسا ءىرى تۇياقتى اڭداردىڭ ءبىرى. ول تابيعي تەپە-تەڭدىكتى ساقتاۋدا ماڭىزدى ءرول اتقارادى جانە قازاقستاننىڭ بىرقاتار ايماعىندا قورعالاتىن اڭدار تىزىمىنە ەنگىزىلگەن.
وسى ورايدا, پوليتسيا وكىلدەرى تابيعات قورعاۋ زاڭناماسىن قاتاڭ ساقتاۋعا شاقىرىپ وتىر.
ء«اربىر ازامات جابايى تابيعاتقا قۇرمەتپەن قاراۋى ءتيىس. ەگەر براكونەرلىك دەرەكتەرىنىڭ كۋاسى بولساڭىز, دەرەۋ پوليتسياعا حابارلاسىڭىز», دەدى ۆەدومستۆو وكىلدەرى.
