اليمەنت تولەيتىن ازاماتتاردى جۇمىسقا ورنالاستىرۋ جاعى دا قاراستىرىلۋدا. وسىعان دەيىن التى بوس جۇمىس ورىندارى جارمەڭكەسى وتكىزىلىپ, 40 بورىشكەر تۇراقتى جۇمىسقا ورنالاستىرىلعان.
–جىل باسىنان بەرى جەكەمەنشىك سوت ورىنداۋشىلارىنىڭ وندىرىسىندە مەملەكەت پايداسىنا ءوندىرۋ بويىنشا 48676 ءىس تىركەلدى, – دەيدى دەپارتامەنت باسشىسىنىڭ ورىنباسارى شىڭعىس ايناقۇلوۆ, – ونىڭ 18927-ءى اياقتالىپ, 5,8 ميلليارد تەڭگە كولەمىندەگى بەرەشەك قايتارىلدى.
جەڭىل تارتىپپەن قارالعان 20418 اتقارۋشىلىق ءىستىڭ جالپى كولەمى 470,9 ميلليون تەڭگەنى قۇرايدى. ونىڭ ىشىندە 4112 ءىس اياقتالىپ, 4100 ءىس ناقتى ورىندالعان. وندىرىلگەن قاراجات كولەمى 86,7 ميلليون تەڭگە.
قوعام وسى ءبىر ماسەلەگە مۇقيات نازار اۋدارۋى قاجەت ءتارىزدى. ارينە, قىسقا ءجىپ كۇرمەۋگە كەلمەي جاتقان ۋاقىتتا تيەسىلى اليمەنتتىڭ ۋاقىتىلى تولەنگەنى ءجون. ايتسە دە كوڭىلدە «اليمەنت اكە بولا ما؟» دەگەن ساۋال قالاتىنى بار.
اقمولا وبلىسى
