فوتو: primeminister.kz
بۇگىندە قازاقستاندا وزدىگىنەن جۇرەتىن اۋىل شارۋاشىلىعى تەحنيكاسىن 10 ءىرى كاسىپورىن وندىرەدى. قولدانىستاعى جەڭىلدەتىلگەن ليزينگ باعدارلاماسىنىڭ ارقاسىندا وتاندىق وندىرۋشىلەر تراكتور مەن كومباين بويىنشا ىشكى نارىق قاجەتتىلىگىنىڭ 90%-ىن قامتاماسىز ەتىپ وتىر.
وتكەن جىلى فيندىك SAMPO, قىتايلىق ZOOMLION جانە امەريكاندىق John Deere كومپانيالارى قازاقستان نارىعىنا كىرگەن. ۇكىمەت ءباسپاسوز قىزمەتىنىڭ مالىمەتىنشە, قازىر جاڭا قاتىسۋشىلاردىڭ دا بەلسەندىلىگىن ارتتىرۋ جۇمىستارى كۇشەيتىلىپ جاتىر.
ءبىرىنشى جارتىجىلدىقتىڭ قورىتىندىسىنا توقتالساق, قازاقستاندا 4 مىڭعا جۋىق تراكتور (+39,3%) مەن 441 استىق جينايتىن كومباين (+64,6%) قۇراستىرىلعان. جىل سوڭىنا دەيىن 10 مىڭنان استام اۋىل شارۋاشىلىعى تەحنيكاسىن شىعارۋدى كوزدەلگەن. بۇل وتكەن جىلعى كورسەتكىشتەن 27%-عا جوعارى.
جيىندا ۆيتسە-پرەمەر سەرىك جۇمانعارين وڭدەۋ ونەركاسىبىنىڭ نەگىزگى سەكتورىنىڭ ءبىرى جانە ەلدىڭ تەحنولوگيالىق دامۋىنىڭ ماڭىزدى درايۆەرى رەتىندە ماشينا جاساۋدىڭ تۇراقتى ءوسۋ قارقىنىن ساقتاۋعا باعىتتالعان بارلىق قاجەتتى شارا كەشەنىن قامتاماسىز ەتۋدى تاپسىردى.
