بۇل – ينجەنەرلىك ءبىلىم بەرۋدىڭ جاڭا كەزەڭىن ايقىندايتىن جانە حالىقارالىق دەڭگەيدەگى مامانداردى وتاندىق نەگىزدە دايارلاۋعا باعىتتالعان اۋقىمدى جوبا. اتالعان فيليالعا 2025–2026 وقۋ جىلىنا قابىلداۋ كونكۋرستىق نەگىزدە وتكىزىلىپ جاتىر. تالاپكەرلەر ماتەماتيكا جانە ورىس ءتىلى پاندەرىنەن جازباشا ەمتيحان تاپسىرۋدا. ەمتيحانعا قاتىسۋ ءۇشىن ۇلتتىق بىرىڭعاي تەستىلەۋ (ۇبت) سەرتيفيكاتى تالاپ ەتىلمەيدى. سونىمەن قاتار, ءبىلىم الۋعا نيەتتى تالاپكەرلەر ءۇشىن اقىلى نەگىزدە وقۋعا ءتۇسۋ مۇمكىندىگى دە قاراستىرىلعان.
فيليال ءۇش نەگىزگى ءبىلىم بەرۋ باعدارلاماسى بويىنشا كادرلار دايارلايدى, ولار: مۇناي-گاز قۇبىرلارى مەن ساقتاۋ قويمالارىن سالۋ جانە پايدالانۋ, مۇناي-گاز تەحنولوگيالارى, كەن ورىندارىن گەولوگيالىق مودەلدەۋ.
-جاڭا وقۋ جىلىنا جالپى سانى 100 گرانت ءبولىندى. بۇل – مۇناي-گاز سەكتورىنا قىزىعۋشىلىق تانىتقان جاستار ءۇشىن زور مۇمكىندىك, - دەيدى UTEBAYEV UNIVERSITY باسقارما توراعاسى–رەكتورى گۇلزادا شاكۋليكوۆا.
گۋبكين ۋنيۆەرسيتەتىنىڭ فيليالىن اتىراۋدا اشۋ – مۇنايلى ءوڭىرىمىز ءۇشىن ۇلكەن جەتىستىك. بۇل – جاستارىمىزعا الەمدىك دەڭگەيدەگى ساپالى بىلىمگە قول جەتكىزۋگە بەرىلگەن ناقتى مۇمكىندىك. ءبىز وسى سەرىكتەستىك ارقىلى بولاشاق ينجەنەرلەر مەن كاسىبي مامانداردى دايارلاۋدا جاڭا بەلەسكە قادام باسىپ وتىرمىز. قابىلداۋ ەمتيحاندارىن ي.م. گۋبكين اتىنداعى ۋنيۆەرسيتەتتىڭ تاجىريبەلى پروفەسسور-وقىتۋشىلار قۇرامى جۇرگىزۋدە.
