فوتو: عىلىم جانە جوعارى ءبىلىم مينيسترلىگى
ءدۇبىرلى دودادا 8 500-دەن استام قاتىسۋشى سپورتتىڭ 18 تۇرىنەن 234 جۇلدە جيىنتىعىن ساراپقا سالادى. حالىقارالىق ۋنيۆەرسيتەتتىك سپورت فەدەراتسياسىنىڭ (FISU) باستاماسىمەن ۇيىمداستىرىلاتىن ءىرى حالىقارالىق جارىسقا بيىل قازاقستاننان 12 سپورت ءتۇرى بويىنشا 76 سپورتشى قاتىسادى, بۇعان قوسا, ۇلتتىق قۇراما ساپىندا 18 جاتتىقتىرۋشى مەن 6 رەسمي وكىل بار.
عىلىم جانە جوعارى ءبىلىم مينيسترلىگىنىڭ مالىمەتىنشە قازاقستان ستۋدەنتتىك ۋنيۆەرسياداعا 1993 جىلدان بەرى تۇراقتى تۇردە قاتىسىپ كەلەدى. 2023 جىلى قىتايدىڭ چەندۋ قالاسىندا وتكەن ءحححى جازعى ۋنيۆەرسيادا دا قازاقستان قۇراماسى 2 التىن, 7 كۇمىس, 11 قولا مەدال جەڭىپ الدى. ال, ەڭ جوعارى ناتيجە 2013 جىلى قازان قالاسىندا وتكەن ۋنيۆەرسيادادا تىركەلدى. مۇندا سپورتشىلار 30 مەدال ەنشىلەگەن.
