تاياۋدا وبلىس اكىمى قۇمار اقساقالوۆ ءتيىستى باسقارما باسشىلارىمەن, باق وكىلدەرىمەن بىرگە اتالعان نىسانعا ارنايى باردى. قازىر ورتالىقتاعى قۇرىلىس جۇمىستارىنىڭ دەنى اياقتالىپ, مەديتسينالىق قۇرىلعىلار, بالالاردىڭ جاتىن ورنىنا قاجەت جايلى جيھازدار اكەلىنىپ جاتىر.
وڭالتۋ كەشەنى قوستاناي قالاسىنىڭ ىرگەسىندە, توبىل وزەنىنىڭ جاعاسىندا قاراعاي, قايىڭدى قالىڭ ورمان القابىندا ورنالاسقان. جۇمىسپەن قامتۋدى ۇيلەستىرۋ جəنە əلەۋمەتتىك باعدارلامالار باسقارماسى باسشىسىنىڭ ورىنباسارى Əليا مەكەباەۆانىڭ ايتۋىنشا, بۇرىنعى رەزيدەنتسيا كەشەنىن مۇمكىندىگى شەكتەۋلى بالالار ەركىن ءجۇرىپ-تۇرا الاتىنداي ەتىپ قايتا بەيىمدەۋ ماقساتىندا وبلىس بيۋدجەتىنەن 352,4 ملن تەڭگە بولىنگەن. مۇنىڭ سىرتىندا, «قازاقستان حالقىنا» قوعامدىق قورىنان بولىنگەن 1 ملرد 37 ملن تەڭگەگە قاجەتتى زاماناۋي مەديتسينالىق قۇرىلعىلار ساتىپ الىنعان.
«قازىر قۇرىلىس جۇمىستارىنىڭ 80%-ى اياقتالدى. مۇندا ءبىر جارىم جاستان ون سەگىز جاسقا دەيىنگى بالالار ەم-شارا الاتىن بولادى. ورتالىققا ءبىر مەزەتتە 60 بالا اتا-انالارىمەن جاتا الادى. بالالاردىڭ بارلىعى زاڭدا قاراستىرىلعان سەگىز əلەۋمەتتىك قىزمەت شەڭبەرىندە تەگىن ەمدەلەدى», دەدى Ə.مەكەباەۆا.
21 گەكتار اۋماقتى الىپ جاتقان كەشەندە جەتى عيمارات بار. ەكى-ءۇش قاباتتى ەڭسەلى عيماراتتاردىڭ تورتەۋىنە پسيحونەۆرولوگيالىق اۋىتقۋى بار بالالار ورنالاسادى. بەسىنشى نىساندا ارنايى قىزمەت تۇرلەرى كورسەتىلەدى. التىنشى عيماراتتا تىرەك-قيمىل اپپاراتى بۇزىلعان بالالار جاتادى. جەتىنشى نىساندا سۋمەن ەمدەۋ شارالارى جۇرگىزىلەدى. عيماراتتاردىڭ بارىنە ارنايى پاندۋستار قويىلىپ, ليفت ورناتىلادى. جۋىنۋ بولمەلەرى مەن دəرەتحانالار دا مۇمكىندىگى شەكتەۋلى بالالارعا بارىنشا بەيىمدەلگەن.
ورتالىقتا بالالاردىڭ ويلاۋ, سەزۋ قابىلەتىن, قيمىل-قوزعالىسىن دامىتۋعا باعىتتالعان قولونەر, تىگىن شەبەرحانالارى, سەنسورلىق بولمەلەر, ەرگوتەراپيا, دەفەكتولوگيا, پسيحولوگيا كابينەتتەرى جۇمىس ىستەيدى. سونداي-اق ارنايى باسسەيندەر, دۋش, ساۋنا, فيزيوتەراپيا جۇرگىزەتىن ۆاننالار ورناتىلادى. مۇنىڭ سىرتىندا, الداعى ۋاقىتتا سپورت الاڭقايىنىڭ قۇرىلىسى مەن جاتتىعۋ قۇرىلعىلارىن ورناتۋعا قوسىمشا قاراجات بولىنبەك.
«Əزىرگە وڭىردە 20 ورىنعا شاقتالعان ءبىر عانا وڭالتۋ ورتالىعى بار. ول جەردە جىلىنا 400 بالانىڭ ەم الۋىنا مۇمكىندىك قاراستىرىلعان. قازىردە وبلىستا 3 مىڭنان استام بالا مۇگەدەك رەتىندە تىركەۋدە تۇر. ياعني مۇنداي وڭالتۋ ورتالىعىنا دەگەن سۇرانىس وتە جوعارى. جاڭادان اشىلعالى وتىرعان وڭالتۋ ورتالىعى 60 ورىنعا شاقتالعان. ماقساتىمىز – بالالار مەن انالارعا بارىنشا جاعداي جاساۋ. قوستاناي وبلىسىنداعى پرەزيدەنت رەزيدەنتسياسىن بالالاردىڭ يگىلىگىنە بەرۋ تۋرالى شەشىم مەملەكەت باسشىسىنىڭ باستاماسىنا وراي قابىلداندى. اتالعان جۇمىستار ەل كولەمىندە ىسكە اسىرىلىپ جاتقان «Əدىلەتتى قازاقستان» ۇستانىمىنىڭ جارقىن كورىنىسى», دەيدى وبلىس əكىمى قۇمار اقساقالوۆ.
بۇگىندە وڭىردە جۇمىس ىستەپ جاتقان جالعىز وڭالتۋ ورتالىعىندا بالالار 14 كۇنگە دەيىن عانا ەم الادى ەكەن. كۇزدە اشىلاتىن جاڭا كەشەنگە كەلىپ تۇسكەن بالا كەم دەگەندە 21 كۇنگە دەيىن ەمدەلەدى. جاڭا ورتالىق ىسكە قوسىلسا 77 قوسىمشا جۇمىس ورنى اشىلماق.
«قاجەتتى كادرلاردى جاساقتاۋ جۇمىسىن قاۋىرت قولعا الامىز. سونداي-اق مامانداردى وقىتۋ, بىلىكتىلىكتەرىن ارتىرۋ ءىس-شارالارىن دا قاتار اتقارامىز», دەيدى Ə.مەكەباەۆا.
ورتالىق جىل ىشىندە 1300-گە جۋىق بالاعا مەديتسينالىق قىزمەت كورسەتە الادى. زاماناۋي ءىرى كەشەندى ۇستاپ تۇرۋعا وبلىس بيۋدجەتىنەن جىل سايىن شامامەن 250 ملن تەڭگە ءبولىنىپ وتىرادى.
قوستاناي وبلىسى
