فوتو: shkolamoskva.ru
كەزدەسۋدە فيدجيتال-سپورتتى فيزيكالىق بەلسەندىلىك پەن تسيفرلىق تەحنولوگيالاردى بىرىكتىرەتىن پەرسپەكتيۆالىق باعىت رەتىندە دامىتۋعا نازار اۋدارىلىپ, 2026 جىلى قازاقستاندا «بولاشاق ويىندارى» حالىقارالىق ءتۋرنيرىن وتكىزۋ جونىندەگى ماسەلەلەر دە تالقىلاندى.
تۋريزم جانە سپورت ءمينيسترى ەربول مىرزابوسىنوۆ دايىندىق بەكىتىلگەن جوسپارعا سايكەس جۇرگىزىلىپ جاتقانىن باياندادى.
قر كيبەرسپورت فەدەراتسياسىنىڭ دەرەكتەرىنە سايكەس, بۇگىندە 1,5 ملن-نان استام قازاقستاندىق بەلسەندى تۇردە كيبەرسپورتپەن اينالىسادى.
جوعارى تەحنولوگيالىق حالىقارالىق ءىس-شارانى استانادا ۇيىمداستىرۋ جاستار اراسىندا جاڭا سپورتتىق فورماتتاردىڭ تانىمالدىلىعىن ارتتىرۋعا ىقپال ەتەدى.
كەزدەسۋگە قاتىسۋشىلار فيدجيتال-سپورتتى دامىتۋ بويىنشا ىنتىماقتاستىقتى نىعايتۋ جونىندەگى ۇسىنىستارىن جەتكىزدى.
ايتا كەتەيىك, Phygital International الەمنىڭ 98 ەلىن قامتيتىن Phygital دۇنيەجۇزىلىك قاۋىمداستىعىمەن (WPC) سەرىكتەستىكتە جۇمىس ىستەيدى. WPC فيدجيتال-پاندەر ءۇشىن ەرەجەلەر مەن ستاندارتتاردى ازىرلەۋمەن, «بولاشاق ويىندارى» (games of the Future) حالىقارالىق تۋرنيرىنە قاتىسۋ ءۇشىن وڭىرلىك جانە ۇلتتىق ىرىكتەۋ تۋرنيرلەرىن ۇيىمداستىرۋمەن اينالىسادى. سپورت, تسيفرلىق تەحنولوگيالار جانە ماركەتينگ سياقتى ءارتۇرلى سالالارداعى مامانداردىڭ باسىن بىرىكتىرەدى.
