ەشكى سۇتىنەن سابىن ءوندىرىپ وتىرعان ايتەكە بي اۋدانىنىڭ جەكە كاسىپكەرى گۇلجانات جۇمابەكوۆا, العا اۋدانىنىڭ قۇلپىناي ءوسىرۋشىسى جاسمير مىرزاگۇل, شوكولاد قوسىلعان قۇرت شىعاراتىن الينا ابدانباەۆا, بال وندىرەتىن جەكە كاسىپكەر نيكولاي روۆەنسكي, بۇعى مۇيىزىنەن دايىندالعان دەنساۋلىققا پايدالى ونىمدەرىمەن تانىمال بانۋ تىلەگەنوۆا, تالدان ءتۇرلى بۇيىم جاسايتىن مارتوك اۋدانىنىڭ تۇرعىنى ۆيتالي زۋبكوۆ, تۇيە جۇنىنەن ءساندى بۇيىمدار ازىرلەيتىن امانكۇل ەشماعامبەتوۆا, جانتاق ءشوبىنىڭ شايىن شىعاراتىن بەكەت قۇدايبەرگەنوۆ, ءسۇت ونىمدەرىنەن وڭدەپ, ءتۇرلى تاعام شىعاراتىن اينۇر بولىسباي مەن نۇرسۇلۋ ساتاەۆا الداعى كۇندەرى وڭىرلىك كاسىپكەرلىك پالاتاسى جانىنداعى كوميسسيادا ءوز جوبالارىن قورعايدى. ولاردىڭ اراسىنان وزعان ءۇش جەڭىمپاز ىشكى جانە سىرتقى نارىققا ونىمدەرىن شىعارۋعا قولداۋ الادى.
«قازاقستاننىڭ ۇزدىك تاۋارى» جانە ء«بىر اۋىل ء–بىر ءونىم» كونكۋرسىنا 80-نەن استام جەرگىلىكتى تاۋار ءوندىرۋشى قاتىستى. وتاندىق ءونىمدى قولداۋ مەن ۇلتتىق برەندىمىزدى قالىپتاستىرۋ ماقساتىندا قولعا الىنعان جوباعا قاتىسۋعا ىقىلاس بىلدىرۋشىلەر قاتارى جىلما-جىل ارتىپ كەلەدى. اراسىنداعى باسەكەگە قابىلەتتىلەرى سىرتقى نارىققا سەنىمدى تۇردە شىعىپ جاتىر. تۇپكى ماقساتىمىز –«اقتوبەدە جاسالعان» دەگەن ماركاسى بار تاۋاردى ەلىمىز اۋماعىندا عانا تاراتىپ قويماي, شەتەلدەرگە دە شىعارۋ», دەيدى وڭىرلىك كاسىپكەرلەر پالاتاسىنىڭ باسشىسى ديدار بورانقۇلوۆ.
