فوتو: اشىق دەرەككوزدەن
جوبالار وبلىستىڭ بىرنەشە ەلدى مەكەندەرىندە – قاراعاندى قالاسىندا, تيحونوۆكا, سادوۆوە, كولحوزنوە, اقتەرەك, ءاليحان اۋىلدارىندا, سونداي-اق كوكتەنكول ستانساسىندا ىسكە اسىرىلىپ جاتىر.
سۋ قۇبىرى جەلىلەرىن سالۋ جانە رەكونسترۋكتسيالاۋ جۇمىستارى ولاردىڭ توزۋ دەڭگەيىنىڭ جوعارى بولۋىنا بايلانىستى قولعا الىنعان. كوپتەگەن جەلى ونداعان جىلدار بويى كۇردەلى جوندەۋسىز پايدالانىلىپ, اپاتتار مەن سۋ بەرۋ ۇزىلىستەرىنە, تۇرعىنداردىڭ شاعىمىنا سەبەپ بولىپ كەلگەن. بارلىق جۇمىستى وسى جىلدىڭ سوڭىنا دەيىن اياقتاۋ جوسپارلانعان.
ايتا كەتەيىك, بۇگىندە قازاقستاندا ەلدى مەكەندەردى كەزەڭ-كەزەڭىمەن اۋىز سۋمەن قامتاماسىز ەتۋ جوسپارى جۇزەگە اسىرىلىپ جاتىر. ونەركاسىپ جانە قۇرىلىس مينيسترلىگىنىڭ دەرەگىنشە, قاراعاندى قالاسى تۇرعىندارى اۋىز سۋمەن 99,4%, ال اۋىل حالقى 97,9% قامتىلعان.
