قاراپايىم ازاماتتىڭ بۇل باتىلدىعى ەلەۋسىز قالمادى. وعان قۇرمەت كورسەتۋ ماقساتىندا ارنايى ماراپاتتاۋ شاراسى ۇيىمداستىرىلدى. شارا بارىسىندا قاراساي اۋدانى اكىمىنىڭ مىندەتىن اتقارۋشى رۋستام اتشاباروۆ سەرىكبەك ساقايباەۆقا العىس حات پەن دەمەۋشىلەر اتىنان قارجىلاي سىيلىق تابىستادى.
سونىمەن قاتار, مەرەكەلىك جيىنعا اۋداندىق پوليتسيا باسقارماسىنىڭ باسشىسى نۇسقابەك زاۋلانباەۆ پەن توتەنشە جاعدايلار ءبولىمىنىڭ باسشىسى باعدات شارىپبەكوۆ ارنايى كەلىپ, بۇگىنگى كۇننىڭ باتىرىنا العىس حاتتار مەن ەستەلىك سىيلىقتار تاپسىردى. قاراساي اۋداندىق اقساقالدار كەڭەسىنىڭ توراعاسى ساعات ماسىماقىنوۆ ءوز باتاسىن بەرىپ, بۇل ەرلىك ەلگە ۇلگى بولاتىنىن اتاپ ءوتتى.
«بۇل وقيعا – ءاربىر ازامات ءۇشىن ۇلكەن ساباق. قوعامداعى بەيقامدىق پەن سالعىرتتىق ادام ومىرىنە قاۋىپ توندىرەتىنى انىق. زاڭسىز جانە باقىلاۋسىز يت ۇستاۋ دەرەكتەرى انىقتالعان جاعدايدا تۇرعىندار قۇقىق قورعاۋ ورگاندارىنا نەمەسە اۋدان اكىمدىگىنە دەرەۋ حابارلاۋى ءتيىس. قاراساي اۋدانى اكىمدىگى ماكسيمنىڭ تەزىرەك ساۋىعىپ كەتۋىن تىلەي وتىرىپ, بۇل ءىستى تولىق باقىلاۋدا ۇستاپ وتىر», دەدى سالتاناتتى شارانى قورىتىندىلاعان رۋستام اتشاباروۆ.
الماتى وبلىسى
