فوتولار: ءماجىلىستىڭ ءباسپاسوز قىزمەتى
بيىل ءساۋىر ايىندا قور پرەزيدەنتى ەلەنا فرولوۆا دەپۋتاتقا وسى ماسەلە بويىنشا جۇگىنگەن بولاتىن. ونىڭ ايتۋىنشا, ارناۋلى الەۋمەتتىك قىزمەتتەردى ليتسەنزيالاۋ ماسەلەسى ءبىر جىلدان بەرى كۇن تارتىبىندە تۇرعانىمەن, قورعا قارجى تۇسپەگەن.
«ارنايى قىزمەتتەر» تەرمينىن قولدانباي, الەۋمەتتىك جوبالار اياسىندا قىزمەتتى جۇزەگە اسىرۋعا بولادى. ورتالىق 50 بالاعا دەيىن قولداۋ كورسەتەدى, بىراق قاراجاتتىڭ جوقتىعىنان ءبىز قىزمەتتەردى قىسقارتۋعا, مامانداردى جالاقىسىز دەمالىسقا جىبەرۋگە, اتا-انالاردان تولەم الۋعا ءماجبۇرمىز, بۇل ولارعا وتە قيىن», دەدى قور باسشىسى ە.فرولوۆا.
ماتەريالدىق-تەحنيكالىق بازاعا, مەديتسينالىق قۇرال-جابدىقتارعا, پەرسونالعا قويىلاتىن تالاپتار بالالارمەن جۇمىس ىستەۋدىڭ الەۋمەتتىك-پەداگوگيكالىق ەرەكشەلىكتەرىنە قاراماستان مەديتسينالىق مەكەمەلەردىڭ تالاپتارىمەن بىردەي. بۇل ۇكىمەتتىك ەمەس ۇيىمداردىڭ جۇمىسىن قيىنداتادى.
«وركەن» قورى مۇمكىندىگى شەكتەۋلى بالالاردىڭ دامۋىنا كومەكتەسىپ, ناقتى ناتيجە كورسەتىپ وتىر. ءبىر اپتا بولسا دا ساباقتى توقتاتۋ بالانىڭ دامۋىنا كەرى اسەر ەتەدى. تالاپتار قيسىندى بولۋى كەرەك, ايتپەسە ومىرلىك ماڭىزى بار باستامالاردان ايىرىلىپ قالامىز. ءبىز بۇل ماسەلەنى باقىلاۋدا ۇستاپ, ءتيىستى مينيسترلىكپەن شەشۋ جولدارىن قاراستىرامىز», دەدى دەپۋتات د.ناۋموۆا.
سونىمەن قاتار ول زورلىق-زومبىلىقتان زارداپ شەككەن ايەلدەر مەن بالالارعا ارنالعان داعدارىس ورتالىعىندا بولدى. «Asem clinic» جەكە ەمحاناسىنىڭ مەديتسينا قىزمەتكەرلەرىمەن كەزدەسىپ, كادر تاپشىلىعى مەن قۇرال-جابدىقتار ماسەلەسىن تالقىلادى.
«شىمكەنت – قولداۋدى قاجەت ەتەتىن جانداردىڭ تالاپ-تىلەگىن ۇنەمى ەستيتىن قالا. بۇل ساپار دا سونىڭ ءبىرى دەۋگە بولادى. ءبىز بارلىق ءوتىنىشتى جازىپ الدىق. كەيبىرى ءتيىستى ۆەدومستۆالارعا جولداندى, كەيبىرى ءماجىلىس دەڭگەيىندە قارالاتىن بولادى», دەدى دەپۋتات سايلاۋشىلارمەن كەزدەسۋدە.
