فوتو: ۆيدەودان سكرينشوت
وقيعا ورنىنا ۋچاسكەلىك پوليتسيا ينسپەكتورلارى امىربەك بوبەكباي, ماقسات ءابدىرايىموۆ جانە احان احمەتوۆ جەدەل جەتكەن.
ايەلدىڭ سۋ جاعاسىنداعى بۇتاققا بار كۇشىمەن جابىسىپ تۇرعانىن بايقاعان ءتارتىپ ساقشىلارى دەرەۋ قۇتقارۋ وپەراتسياسىن باستاپ كەتكەن. اعا لەيتەنانت بوبەكباي ارقانمەن ءتۇسىپ, جابىرلەنۋشىنى بايلاپ, كەيىن ارىپتەستەرى ەكەۋىن دە قاۋىپسىز بيىكتىككە كوتەرگەن.
پوليتسيا قىزمەتكەرلەرىنىڭ ءساتتى ارەكەتىنىڭ ارقاسىندا ايەل زارداپ شەككەن جوق. ول ينسپەكتورلارعا كاسىبيلىگى مەن قامقورلىعى ءۇشىن العىس ايتىپ, قىزمەتتەرىنە ساتتىلىك تىلەدى.
الماتى وبلىسىنىڭ پوليتسەيلەرى سۋ ايدىندارىنا جاقىن جەردە, اسىرەسە تەگىس ەمەس, جاعالارى تىك, اعىستارى قاتتى جەرلەردە اسا ساق بولۋ كەرەكتىگىن ەسكە سالادى. توتەنشە جاعدايدا دەرەۋ كومەك سۇراپ, دەر كەزىندە قوڭىراۋ شالۋ – ادام ومىرىنە تونگەن قاۋىپتى سەيىلتۋى مۇمكىن.
ەسكە سالار بولساق, بۇدان از ۋاقىت بۇرىن اعىسى قاتتى تالعار وزەنى انا مەن بالانىڭ ءومىرىن قيعان بولاتىن.
الماتى وبلىسى
