فوتو: اشىق دەرەككوز
ونىڭ ايتۋىنشا, 2002 جىلدان باستاپ 11 جەكە مەنشىك جانە ارناۋلى ورتا ءبىلىم بەرۋ مەكەمەسىنە – «اق نيەت», «ەلكو», «ليدەر», «اراي», «ماگيستر», «سەنىم», «كاسىپكەرلەر مەكتەبى», «كوگىلدىر جەلكەن», «تەرەموك», «ايگەرىم» جانە الماتى مەنەدجمەنت جانە سەرۆيس كوللەدجىنە 10 بالاباقشا مەن ءبىر كومبيناتتىڭ عيماراتى جالعا بەرىلگەن.
2020 جىلدىڭ مامىرىندا قالا اكىمدىگى اتالعان نىسانداردى جەكە ۇيىمداردان بىرتىندەپ قايتارۋ تۋرالى شەشىم قابىلداعان بولاتىن. ال 2023 جىلعى ماۋسىمدا «اراي» مەن «سەنىم» مەكەمەلەرىنە عيماراتتاردى بوساتۋ تۋرالى رەسمي حابارلاما جىبەرىلىپ, شىلدە ايىندا جالعا الۋ شارتتارى توقتاتىلعان. دەگەنمەن ەكى ۇيىم دا نىسانداردى بوساتۋدان باس تارتقان.
«الماتى قالاسىنىڭ مەملەكەتتىك اكتيۆتەر باسقارماسى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا تالاپ ارىز بەرىپ, سوت تالاپتى قاناعاتتاندىردى. سوتتىڭ شەشىمىنە قاراماستان, «اراي» مەن «سەنىم» مەكەمەسىنىڭ قىزمەتكەرلەرى بۇل نىسانداردا ءالى وتىر. الماتىداعى ادىلەت دەپارتامەنتىنە ولاردى ماجبۇرلەپ شىعارۋ ماتەريالى تاپسىرىلدى. «اراي» مەكەمەسى عيماراتتى 2025 جىلعى 1 قىركۇيەككە دەيىن بوساتۋدى كەيىنگە شەگەرۋىن سۇراعانىمەن, 3 شىلدەدە وتكەن سوت وعان كەلىسكەن جوق. قۇقىقتىق ءراسىم اياسىندا 2025 جىلعى 14 پەن 15 شىلدەدە الماتى قالاسىنىڭ ادىلەت دەپارتامەنتى جاڭاعى مەكەمەلەردى نىساننان شىعارا باستاماق», دەدى جانتورە ايتجانوۆ.
ايتا كەتەيىك, بۇعان دەيىن دە الماتىدا قۇنى 2,6 ميلليارد تەڭگە بولاتىن باسپالار ءۇيى مەملەكەتتىك مەنشىككە قايتارىلعان بولاتىن.
