فوتو: medayazhan.kz
بۇل وزگەرىس ستوماتولوگيا مەن ورتوپەديادان باسقا بارلىق مەديتسينالىق ماماندىقتارعا تۇسۋشىلەر ۇشىن (وقۋ تۇرىنە قاراماستان – 9 نەمەسە 11 سىنىپتاردىڭ نەگىزىندە) مىندەتتى بولادى.
ەمتيحان بەيىندىك پاندەر بويىنشا بازالىق ءبىلىمدى, سونداي-اق تالاپكەردىڭ موتيۆاتسيالىق دەڭگەيىن باعالاۋدى قامتيدى.
«مەملەكەت باسشىسى جاريالاعان جۇمىسشى ماماندىقتار جىلى شەڭبەرىندە ءبىز ورتا مەديتسينالىق ءبىلىم الاتىن مامانداردى دايارلاۋ ساپاسىنا قويىلاتىن تالاپتاردى كۇشەيتەمىز. موتيۆاتسيا مەن دايىندىقتى باعالاۋدىڭ بىرىڭعاي ءتاسىلى ەسەبىنەن ءتۇسۋ كەزىندە ادىلدىك ساقتالادى. بۇل - قوعامنىڭ مەديتسينالىق كادرلاردى دايارلاۋ جۇيەسىنە دەگەن سەنىمىن ارتتىرۋدىڭ العاشقى قادامى», دەلىنگەن دەنساۋلىق ساقتاۋ مينيسترلىگى تاراتقان حابارلامادا.
ەندى سالالىق مينيسترلىك وقۋ-اعارتۋ مينيسترلىگىمەن بىرلەسىپ تالاپكەرلەر مەن ولاردىڭ اتا-انالارىن قابىلداۋدىڭ جاڭا شارتتارىمەن مۇقيات تانىسۋعا جانە ارنايى ەمتيحانعا الدىن الا دايىندالۋعا شاقىرادى.
قوسىمشا اقپارات, تاپسىرما ۇلگىلەرىن, ەمتيحان كەستەسى جانە ءوتۋ ەرەجەلەرىن رەسمي سايتتاردان, وقۋ ورىندارىنىڭ اقپاراتتىق جۇيەلەرىنەن الۋعا بولادى.
