فوتو: سۋ رەسۋرستارى جانە يرريگاتسيا مينيسترلىگى
ايتا كەتەيىك, «تابيعي مونوپوليالار تۋرالى» زاڭعا تۇزەتۋلەر ازىرلەنىپ, قابىلداندى. بۇل بيىلعى 1 قىركۇيەكتەن باستاپ سۋ سالاسىنداعى 25 مىڭنان استام قىزمەتكەردىڭ ەڭبەكاقىسىن ەلەكتر جانە جىلۋ ەنەرگەتيكاسى سالاسىنىڭ ماماندارى دەڭگەيىنە دەيىن كوتەرۋگە مۇمكىندىك بەرەدى.
سونداي-اق جاقىن ارادا «قازسۋشار» رمك-نىڭ ماۋسىمدىق 435 قىزمەتكەرى تۇراقتى جۇمىسپەن قامتاماسىز ەتىلەدى.
سۋ سالاسىندا ەڭبەك ەتەتىن مامانداردىڭ كاسىبي بىلىكتىلىگىن ارتتىرۋعا ەرەكشە كوڭىل ءبولىنىپ كەلەدى. بىلتىر «قازسۋشار» رمك-نىڭ 500-دەن استام قىزمەتكەرى مامانداندىرىلعان ورتالىقتاردا وقۋدان وتكەن. مينيسترلىك بيىل بۇل كورسەتكىشتى ەكى ەسەگە ارتتىرۋدى كوزدەپ وتىر.
سونىمەن قاتار قىتايمەن جاسالعان كەلىسىمدەر اياسىندا قازاقستاندىق سۋ ماماندارى كورشىلەس ەلدە بىلىكتىلىك ارتتىرۋ كۋرستارىنان ءوتىپ جاتىر. قازىرگى ۋاقىتتا 60 ادام وقۋدان وتكەن. جىل سوڭىنا دەيىن قىتايدا تاعى 60 مامان ءبىلىمىن جەتىلدىرەدى. بارلىق شىعىندى قىتاي تاراپى ءوز موينىنا العان.
«قازاقستان رەسپۋبليكاسىنىڭ مەملەكەتتىك ناگرادالارى تۋرالى» زاڭعا تولىقتىرۋلار ەنگىزىلدى. ەندى سۋ شارۋاشىلىعىن دامىتۋعا ەلەۋلى ۇلەس قوسقان ماماندارعا مەملەكەتتىك ناگرادا – «قازاقستاننىڭ سۋ شارۋاشىلىعى سالاسىنىڭ ەڭبەك سىڭىرگەن قايراتكەرى» اتاعى بەرىلەدى.
«ارىپتەستەرىمدى سۋ شارۋاشىلىعى قىزمەتكەرلەرى كۇنىمەن شىن جۇرەكتەن قۇتتىقتايمىن! ەلىمىزدىڭ سۋ قاۋىپسىزدىگىن قامتاماسىز ەتۋ جولىندا ءسىڭىرىپ جاتقان تاباندى ءارى جانقيار ەڭبەكتەرىڭىز ەرەكشە قۇرمەت پەن شەكسىز العىسقا لايىق. سۋ شارۋاشىلىعى سالاسىنىڭ بولاشاعى جۇمىسشىلاردىڭ قاجىرلى ەڭبەگىمەن قۇرىلىپ كەلەدى. ەلدى مەكەندەر, ەگىستىك القاپتارى مەن ونەركاسىپ نىساندارى تىرشىلىك نارىمەن قامتاماسىز ەتىلىپ وتىر. وسى مەرەكەدە سىزدەرگە جانە جاقىندارىڭىزعا دەنساۋلىق, تابىس, مولشىلىق, جارقىن بولاشاق جانە اشىق اسپان تىلەيمىن!», دەدى سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.
