فوتو: ۇكىمەت
بۇگىندە جانۋارلار ءال-اۋقاتى (animal welfare) ستاندارتتارىن ساقتاۋ - تەك ەتيكالىق تالاپ ەمەس, ەكونوميكالىق قاجەتتىلىك. Eurotier 2024 مالىمەتتەرىندە جانۋارلارعا قولايلى جاعداي جاسالعان فەرمالاردا ءولىم ازايىپ, ءونىم ساپاسى ارتقان.
مينيستر اگرارلىق سەكتوردى باسقارۋدىڭ تيىمدىلىگىن ارتتىرۋ ماقساتىندا مال شارۋاشىلىعى مەن ۆەتەريناريا بويىنشا دەرەكتەردى بىرىڭعاي اقپاراتتىق جۇيەدە شوعىرلاندىرۋدى, جەتىلدىرىلگەن فەرما قۇرىلىمىن ۇسىندى.
«مال شارۋاشىلىعىندا سمارت-فەرمالار تۇجىرىمداماسىن ەنگىزۋگە جانە ۇدەرىستەردى اۆتوماتتاندىرۋعا ەرەكشە نازار اۋدارىلادى. جايلىلىقتى قامتاماسىز ەتەتىن اۆتوماتتاندىرىلعان: جەلدەتۋ, ەدەندى جىلىتۋ, مۋزىكا ويناتۋ, تاسىمالداۋ كەزىندە سترەسستى ازايتۋ جۇيەلەرى, جانۋارلاردىڭ بيولوگيالىق مىنەز-قۇلقىن ەسكەرەتىن جەتىلدىرىلگەن فەرما قۇرىلىمدارى ەنگىزىلە باستادى. بۇل شارا فەرمەرلىك شارۋاشىلىقتاردان باستاپ سالالىق ۆەدومستۆولارعا دەيىن بارلىق دەڭگەيدە ۇزدىكسىز ەسەپ جۇرگىزۋدى, كەشەندى تالداۋدى جانە جەدەل باسقارۋشىلىق شەشىمدەر قابىلداۋدى قامتاماسىز ەتەدى», دەدى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى.
سونىمەن قاتار, ەلىمىزدە اۆتوماتتاندىرىلعان ساۋ, ازىقتاندىرۋ, كليماتتى باسقارۋ, بەينەباقىلاۋ جۇيەلەرى مەن جانۋارلاردىڭ دەنساۋلىعىن باقىلاۋعا ارنالعان داتچيكتەر سياقتى روبوتتاندىرىلعان شەشىمدەردى بەلسەندى دامىتۋ قولعا الىنادى. بۇل دەرەكتەر بىرىڭعاي ۆەتەريناريالىق جۇيەگە ءتۇسىپ, تابىننىڭ تسيفرلىق ءپروفيلىن قالىپتاستىرادى.
