فوتو: اشىق دەرەككوز
وبلىستىق پروكۋراتۋرانىڭ حابارلاۋىنشا, جۇرگىزىلگەن تەكسەرۋ بارىسىندا كاسىپورىننىڭ سۋارۋ جانە كۇل ۇيىندىلەرىن قۇرعاتۋ كەزىندە ەكولوگيالىق تالاپتاردى ساقتاماعانى بەلگىلى بولعان. سونىڭ سالدارىنان اۋادا شامادان تىس شاڭدانۋ تىركەلگەن.
«قاراعاندى وبلىسىنىڭ ەكولوگيا دەپارتامەنتىنە «پروكۋراتۋرا تۋرالى» كونستيتۋتسيالىق زاڭنىڭ 26-بابىنا سايكەس تەكسەرۋ جۇرگىزۋ تۋرالى تالاپ جولداندى. ەكولوگيا دەپارتامەنتى جۇرگىزگەن تەكسەرۋ زاڭ بۇزۋشىلىق فاكتىلەرىن راستادى. كۇل ءۇيىندىسىن رەكۋلتيۆاتسيالاۋ قورشاعان ورتاعا شىعارۋعا رۇقساتسىز جانە مەملەكەتتىك ەكولوگيالىق ساراپتامانىڭ وڭ قورىتىندىسىنسىز جۇرگىزىلگەنى انىقتالدى», دەلىنگەن حابارلامادا.
تەكسەرۋ ناتيجەسى بويىنشا «گرەس توپار» جشس-عا 55 ميلليون تەڭگە كولەمىندە اكىمشىلىك ايىپپۇل سالىنعان. بۇل سوما قورشاعان ورتاعا كەلتىرىلگەن زياندى ءىشىنارا وتەۋگە باعىتتالادى.
