فوتو: pixabay.com
جاقىندا ۆاشينگتوندا بولعان يزرايل پرەمەر-ءمينيسترىنىڭ كەڭەسشىسى رون دەرمەر ءيزرايلدىڭ جوعارى لاۋازىمدى شەنەۋنىكتەرىنە اقش پرەزيدەنتى دونالد ترامپ «بەلگىلى ءبىر شارتتارمەن» يرانعا جاڭا سوققى بەرۋدى ماقۇلداۋى مۇمكىن ەكەنىن ايتتى.
يزرايل 13 ماۋسىمنان بەرى يرانعا سوققى بەرىپ, يادرولىق نىسانداردى, جوعارى لاۋازىمدى اسكەري شەنەۋنىكتەردى جانە يادرولىق عالىمداردى نىساناعا الىپ جاتىر. يران بۇعان جاۋاپ رەتىندە يزرايلگە زىمىراندار مەن ۇشقىشسىز ۇشاقتار ۇشىرعان.
ەندى تەگەران تاراپى يزرايل مەن امەريكانىڭ بومبالاۋىنان ب ۇلىنگەن فوردو, ناتانز جانە يسفاحانداعى يراننىڭ يادرولىق نىساندارىنان جوعارى بايىتىلعان ۋراندى شىعارۋ قارەكەتىندە بولۋى ىقتيمال. ال يزرايل وسىعان جاۋاپ قاتپاق.
بۇعان دەيىن ترامپ اقش-تىڭ سوققىلارى يراننىڭ يادرولىق باعدارلاماسىن تولىعىمەن جويدى دەپ مالىمدەگەن ەدى. ايتا كەتەيىك, اقش 22 ماۋسىمعا قاراعان ءتۇنى فوردو, ناتانز جانە يسفاحانداعى يادرولىق نىساندارعا زىمىراندار مەن بۋنكەر بومبالارىمەن سوققى بەرىپ, قاقتىعىسقا كىرىسكەن. ەكى كۇننەن كەيىن يران الدىن الا ەسكەرتۋ جاساپ, قاتارداعى اقش اسكەري بازاسىنا شابۋىل جاسادى. 24 ماۋسىمدا يزرايل مەن يران اقش-تىڭ قىسىمىمەن اتىستى توقتاتۋعا كەلىستى.
