مەرەكەلىك ءىس-شاراعا ءوڭىر باسشىسى ەربول قاراشوكەەۆ باستاپ, ارداگەرلەر كەڭەسىنىڭ مۇشەلەرى, زيالى قاۋىم, ءتۇرلى پارتيا وكىلدەرى جانە جەرگىلىكتى ونەرسۇيەر قاۋىم قاتىستى. مادەني-ادەبي كەشتىڭ اشىلۋ سالتاناتىندا 200-دەن استام مەكتەپ وقۋشىسى ءابدىمومىن جەلدىباەۆتىڭ ايگىلى «ەركە سىلقىم» كۇيىن ءبىر مەزەتتە تارتتى.
ءىس-شارادا ءسوز العان ءوڭىر باسشىسى ەربول قاراشوكەەۆ قازاق حالقى ءۇشىن ۇلتتىق مۋزىكالىق اسپاپ دومبىرانىڭ ورنى قاشان دا بولەك ەكەنىن تىلگە تيەك ەتتى.
«دومبىرا – قازاق حالقىنىڭ جان سەرىگى, عاسىرلار بويى امانات بولىپ جەتكەن كيەلى مۇراسى. ۇلى دالانىڭ ءۇنى مەن تىلىنە اينالعان بۇل اسپاپ ەلدى بىرلىككە, ىرىسقا, ونەرگە ۇيىستىرعان. قازاق حالقى دومبىرانى تورىنە ءىلىپ, كۇيشىلەردى تورەدەي قۇرمەتتەگەن. دومبىرانىڭ كۇمبىرى – باتىرلارعا جىگەر, اقىندارعا شابىت بەرگەن.
مەملەكەت باسشىسى قاسىم-جومارت كەمەل ۇلى توقاەۆ وسكەلەڭ ۇرپاقتىڭ دومبىراعا دەگەن ىقىلاسىنا ەرەكشە باعا بەرىپ, بۇل – وتە جاقسى ءۇردىس ەكەنىن اتاپ ءوتتى. قاسيەتتى قارا دومبىرانىڭ ءۇنىن بۇكىل الەمگە تانىتىپ جۇرگەن ازاماتتارعا العىسىن ءبىلدىردى. ءبىز وسى ۇلتتىق اسپاپتى قادىرلەپ, بولاشاق ۇرپاققا اماناتپەن جەتكىزۋىمىز قاجەت», – دەدى ءوڭىر باسشىسى.
تاراز
