ەڭبەك ينسپەكتسياسى كوميتەتى پاۆلودار وبلىسى بويىنشا دەپارتامەنتىنىڭ باسشىسى اسقار قاپانوۆتىڭ ايتۋىنشا, تاۋ-كەن مەتاللۋرگيا ونەركاسىبىندە جانە قۇرىلىس سالاسىندا جۇمىس ىستەيتىن ازاماتتار كوبىرەك زارداپ شەگىپ جاتىر. جىل باسىنان 34 جازاتايىم وقيعا تىركەلىپ, 35 ادام مەرتىككەن.تاعى 1 ادام قايتىس بولدى.
- ماسەلەن, ءبىزدىڭ ايماق بويىنشا جازاتايىم وقيعالاردىڭ باسىم بولىگى پاۆلودار مەن ەكىباستۇز قالالارىنداعى وندىرىستەردە بولعان. جىل باسىنان «ەۋروازياتتىق ەنەرگەتيكالىق كورپوراتسياسى» اق شىعىس كەنىشىندە 2 جاعداي, «گوركومحوز-پاۆلودار» جشس-دە 2 وقيعا جانە «قازاقستان ءاليۋمينيى» اق-نىڭ ەلەكتر ستانساسىندا تاعى دا 2 جازاتايىم جاعداي تىركەلگەن. باستى سەبەپ – جۇمىستىڭ تالاپقا ساي ۇيىمداستىرىلماۋى,-دەيدى باسقارما باسشىسى.
وڭىرىمىزدەگى قىزمەتكەرلەر اراسىندا جازاتايىم وقيعالار مەن كاسىپتىك اۋرۋلاردىڭ الدىن الۋ جونىندەگى شارالار شەڭبەرىندە پاۆلودارلىق 25 كاسىپورىنعا «حالىقتىق باقىلاۋ» جوباسى ەنگىزىلدى. سونىمەن قاتار, بۇگىندە وبلىس كاسىپورىندارىندا 881 وندىرىستىك كەڭەس جۇمىس ىستەپ جاتقان جايى بار.
پاۆلودار وبلىسى
