دەلەگاتسيا باسشىسى, وبلىس اكىمى نۇرىمبەت ساقتاعانوۆ بىرقاتار سالماقتى كەلىسسوز جۇرگىزدى. شۇاا پارتيا كوميتەتىنىڭ حاتشىسى ما سينجۋيمەن, شۇاا حالىق ۇكىمەتىنىڭ توراعاسى ەركىن تۇنيازبەن كەزدەسۋدە ەكى ءوڭىر اراسىنداعى ىنتىماقتاستىقتىڭ نەگىزگى باعىتتارى اتاپ ءوتىلدى.
ء«بىز ءوز تاراپىمىزدان ترانسشەكارالىق «قاناس كولى (قحر) – مارقاكول – كاتونقاراعاي اۋىلى» تۋريستىك باعىتىن بىرلەسىپ جۇزەگە اسىرۋدى ۇسىنامىز. بۇل باعىت ەكى ءوڭىردىڭ تابيعي كورىكتى جەرلەرىن – قىتايداعى ەڭ تانىمال جەتى تۋريستىك ورىننىڭ ءبىرى قاناس كولىن, قازاق التايىنىڭ ءىنجۋ-مارجانى مارقاكولدى بىرىكتىرمەك», دەدى ن.ساقتاعانوۆ.
شىعىستاعى تۋريستىك ايماقتاردا ەلەكتر قۋاتىن تارتۋ, زاماناۋي جولدار توسەۋ, ينفراقۇرىلىمدى تولىق جۇرگىزۋ, قوناقۇيلەر سالۋ جونىندە بەلسەندى جۇمىس جۇرگىزىلىپ جاتىر. قىتاي ازاماتتارىنىڭ ءوڭىردىڭ تابيعاتى مەن ەتنومادەني مۇراسىنا دەگەن قىزىعۋشىلىعىن ەسكەرە وتىرىپ, كولىك قاتىناسىن قامتاماسىز ەتۋ ماقساتىندا شىعىس قازاقستان وبلىسىنىڭ ء«ۇرىمشى – وسكەمەن» باعىتىنداعى تىكەلەي حالىقارالىق اۋە رەيسىن, كەلەسى جىلدان باستاپ «قاناس – كاتونقاراعاي», «قاناس – زايسان» باعىتتارىن اشۋ ماسەلەسىن قاراستىرۋدى ۇسىندى.
وبلىس اكىمى اتاپ وتكەندەي, تۋريزمنەن باسقا دا, ءوزارا ءتيىمدى ىنتىماقتاستىق ورناتۋعا بولاتىن كوپتەگەن سالا كوزدەلگەن, ولار – ونەركاسىپ, اۆتوموبيل, ارنايى تەحنيكا ءوندىرۋ, اعاش وڭدەۋ, سۋ ەنەرگەتيكاسى, اۋىل شارۋاشىلىعى.
«اۋە قاتىناسىن اشۋ, شەكارالىق وتكىزۋ بەكەتىن ىسكە قوسۋ باستامالارىن جۇزەگە اسىرۋ ءتۋريزمدى وبلىس ەكونوميكاسىنىڭ باسىم باعىتى رەتىندە دامىتۋعا سەرپىن بەرىپ, قازاقستان مەن قىتاي اراسىنداعى دوستىق پەن ارىپتەستىكتىڭ رامىزىنە اينالار ەدى», دەدى ن.ساقتاعانوۆ.
قىتاي تاراپى ءوزارا ءتيىمدى ىنتىماقتاستىققا دايىن ەكەندىگىن ءبىلدىردى.
ء«بىز ۇسىنىستارىڭىزدى قولدايمىز, بۇل باستامالار ءوڭىرىمىزدىڭ دامۋىنا وڭ اسەرىن تيگىزەدى. ەكى تاراپ اراسىنداعى قارىم-قاتىناستى كەڭەيتىپ, قاجەت بولعان جاعدايدا شىعىس قازاقستاندا ەكونوميكالىق, ساۋدا ىنتىماقتاستىعى جونىندەگى جۇمىس توبىنىڭ وتىرىسىن وتكىزۋدى ۇسىنامىز», دەدى شۇاا پارتيا كوميتەتىنىڭ حاتشىسى ما سينجۋي.
دەلەگاتسيا شىڭجاڭ-ۇيعىر اۆتونوميالىق اۋدانىندا بولىپ, التاي قالاسىنىڭ اۋماعىندا ورنالاسقان «تسزيان تسزيۋن شان» حالىقارالىق تاۋ-شاڭعى كۋرورتىمەن تانىستى. «تسزيان تسزيۋن شان» – قىتايدا قالا ينفراقۇرىلىمىمەن تولىقتاي بىرىكتىرىلگەن جالعىز تاۋ-شاڭعى كۋرورتى. كۋرورتتىڭ جالپى اۋماعى 7,5 شارشى شاقىرىمدى قۇرايدى. مۇندا 8 اسپالى جول مەن 11 لەنتا ىسپەتتەس كوتەرگىش جۇمىس ىستەيدى. ولاردىڭ جالپى وتكىزۋ قابىلەتى ساعاتىنا 16 مىڭ ادامعا دەيىن جەتەدى. سونداي-اق ءارتۇرلى دەڭگەيدەگى سپورتشىلارعا ارنالعان جاتتىعۋ ايماقتارى قاراستىرىلعان. كۋرورت نىساندارى حالىقارالىق شاڭعى جانە سنوۋبورد فەدەراتسياسى (FIS) تاراپىنان سەرتيفيكاتتالعان. بۇل حالىقارالىق دەڭگەيدەگى جارىستاردى وتكىزۋگە مۇمكىندىك بەرەدى. قازىردە كۋرورت اۋماعىندا ينفراقۇرىلىم بەلسەندى دامىپ كەلەدى. شاڭعى زالى, ەكى تاۋ قىزمەتىن كورسەتۋ ورتالىعى, قوناقتارعا ارنالعان اپارتامەنتتەر, جالپى ۇزىندىعى 71 شاقىرىم بولاتىن جاڭا تراسسالار مەن وزگە دە نىسانداردىڭ قۇرىلىسى ءجۇرىپ جاتىر.
وبلىس باسشىسى اۋدان اكىمدەرىنە ءوز وڭىرلەرىنىڭ جەر بەدەرى مەن تۋريستىك الەۋەتىن ەسكەرە وتىرىپ, وسىنداي تاۋ-شاڭعى ينفراقۇرىلىمىن دامىتۋ مۇمكىندىگىن قاراستىرۋدى تاپسىردى. بۇدان بولەك, وبلىستىق دەنە شىنىقتىرۋ جانە سپورت باسقارماسىنا شقو سپورتشىلارى ءۇشىن وسى كۋرورت بازاسىندا جاتتىعۋ ۇدەرىسىن ۇيىمداستىرۋ ماسەلەسىن قاراستىرۋدى جۇكتەدى.
