فوتو: اشىق دەرەككوز
اتالعان ماماندىق بويىنشا ەلىمىزدىڭ التى جوعارى وقۋ ورنىندا ءبىلىم الۋعا مۇمكىندىك بار. اتاپ ايتقاندا, تالاپكەرلەر كەلەسى وقۋ ورىندارىنا گرانت نەگىزىندە تۇسە الادى:
- ل.ب. گونچاروۆ اتىنداعى قازاق اۆتوموبيل-جول ينستيتۋتى (الماتى قالاسى);
- د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى (وسكەمەن قالاسى);
- حالىقارالىق كولىك جانە گۋمانيتارلىق ۋنيۆەرسيتەت (شىمكەنت قالاسى);
- ا. ساعينوۆ اتىنداعى قاراعاندى تەحنيكالىق ۋنيۆەرسيتەتى (قاراعاندى قالاسى);
- م.ح. دۋلاتي اتىنداعى تاراز وڭىرلىك ۋنيۆەرسيتەتى (تاراز قالاسى);
- لوگيستيكا جانە كولىك اكادەمياسى (الماتى قالاسى);
- س. تورايعىروۆ اتىنداعى پاۆلودار ۋنيۆەرسيتەتى (پاۆلودار قالاسى).
مينيسترلىكتىڭ مالىمەتىنشە, «كولىك قۇرىلىسى» باعىتىن تاڭداعان تالاپكەرلەر جول-قۇرىلىس سالاسىنداعى سۇرانىسقا يە كاسىپتى مەڭگەرۋگە, زاماناۋي ينجەنەرلىك داعدىلاردى يگەرۋگە, سونداي-اق اۋقىمدى ينفراقۇرىلىمدىق جوبالارعا قاتىسۋعا مۇمكىندىك الادى. باعدارلاما ستۋدەنتتەرگە كولىك جەلىسىن جوبالاۋ, جول ساپاسىن ساراپتاۋ, جاڭا ماتەريالدارمەن جۇمىس ىستەۋ جانە زاماناۋي تەحنولوگيالاردى قولدانۋ سالالارىندا تەرەڭ ءبىلىم بەرەدى.
