فوتو: وكق
وبلىس پروكۋرورى نۇرعالىم ءابدىروۆتىڭ ايتۋىنشا پرەزيدەنتتىڭ باستاماسىمەن قايتارىلعان اكتيۆتەر ەسەبىنەن وڭىردە الەۋمەتتىك ينفراقۇرىلىم جاڭعىرتىلىپ, تۇرعىندار يگىلىگىنە قىزمەت ەتەتىن بىرقاتار نىسان سالىنىپ جاتىر.
«سولاردىڭ ءبىرى – بۇگىنگى اۋىزسۋ جۇيەسى. كوپتەن كۇتكەن بۇل جوبانىڭ ىسكە اسۋى – حالىقتىڭ ءومىر ساپاسىن ارتتىرۋ جولىنداعى ناقتى قادام», دەدى قۇتتىقتاۋ سوزىندە ن.ءابدىروۆ.
وبلىس اكىمدىگىنىڭ مالىمەتىنشە اۋىزسۋ جۇيەسىنىڭ قۇرىلىسىن «پىراق-قۇرىلىس» جشس جۇرگىزدى. قازىرگى ۋاقىتتا 75 ءۇيدىڭ اۋلاسىنا اۋىزسۋ قۇبىرى تارتىلدى.
«بۇل كۇندى ۇزاق كۇتتىك. بۇگىنگى كۇن – تەك قۋانىش ەمەس, تاريحي ءسات. اۋىلىمىزدا وسىنداي يگىلىكتى ءىس اتقارعان مەملەكەتىمىزگە, باسشىلارعا شەكسىز العىسىمدى بىلدىرەمىن!», دەدى اۋىل اقساقالى كەندەباي وڭعارباەۆ.
ەسكە سالايىق, مەملەكەت باسشىسىنىڭ تاپسىرماسىنا سايكەس جامبىل وبلىسىندا قايتارىلعان اكتيۆتەر ەسەبىنەن 15 اۋىزسۋمەن جابدىقتاۋ جانە 4 دەنساۋلىق ساقتاۋ نىسانىنىڭ قۇرىلىسى قارجىلاندىرىلدى.
