28 ماۋسىمدا ەلباسى نۇرسۇلتان نازارباەۆ وتكىزگەن تەلەكوپىر بارىسىندا ۇلكەن ءبىر شارا قازىنالى تۇبەكتە وتكەن بولاتىن. سول شاراعا گازەتتىڭ مەنشىكتى ءتىلشىسى دە قاتىسقان بولاتىن.
ماڭعىستاۋ وبلىسىنان – جولامان بوشالاق:
كاسپي تەڭىزىنىڭ قازاقستاندىق بولىگىن يگەرۋدىڭ مەملەكەتتىك باعدارلاماسىنا وراي تەڭىزدەگى كولىكتەر سانى دا وسە تۇسەتىنى بەلگىلى. تاياۋداعى 4-5 جىل شاماسىندا تەك قانا بايلىعى شالقار قاشاعان جوباسىنا ساي 200-گە تارتا اۋىر تونناجدى كەمەلەر تاسىمال جۇمىستارىنا قوسىلماقشى. ال ولارعا ءتۇرلى تەحنيكالىق قىزمەت كورسەتەتىن زاۋىتتار ازىرگە ءوز ەلىمىزدە جوق بولاتىن. جوندەۋ جۇمىستارىن كورشى رەسەي, ءازىربايجان ەلدەرىندە جۇرگىزۋ ءارى كۇردەلى, ءارى قىمبات. سوندىقتان دا ەلباسى تاپسىرماسى مەن قامقورلىعى ناتيجەسىندە تەڭىز جاعالاۋىن جايلاعان تۇپقاراعان اۋدانىنا قاراستى باۋتين كەنتىندە جاڭا كەمە جوندەۋ زاۋىتى سالىنىپ, پايدالانۋعا بەرىلدى. ءسويتىپ, ەگەمەن ەلىمىزدىڭ تاريحىندا كەمە جوندەپ, ولارعا سەرۆيستىك قىزمەت كورسەتەتىن العاشقى زاۋىت ەلباسىنىڭ ءسات-ساپار تىلەۋىمەن ىسكە قوسىلدى.
زاۋىتتىڭ قۇرال-جابدىقتارى امەريكالىق ء“Marىne ءTravelىft” كومپانياسىندا جاسالعان. زاۋىت كاسپي توسىندە تاسىمالمەن اينالىساتىن كەمەلەر مەن بارجالاردى جوندەيتىن بولدى. ول تولىق قۋاتىنا قوسىلعاندا جىلىنا 60 كەمەگە, ال ءبىر مەزگىلدىڭ وزىندە 8 كەمەگە تەحنيكالىق قىزمەت كورسەتە الادى. جوبا ەكى جىل ىشىندە جۇزەگە استى. زاۋىتتا جۇزدەن استام جەرگىلىكتى تۇرعىن جۇمىسپەن قامتىلۋدا.
جاقىن جىلداردا ەل “قارا التىنىنىڭ” 40 پايىزىن تەڭىز ارقىلى تاسىمالداۋ وسىنداي ىرگەلى ءىستىڭ ناتيجەسىندە بولماقشى. بۇلار جايلى وبلىس اكىمى قىرىمبەك كوشەرباەۆ ەلباسىنا باياندادى. ودان ءارى “كەمە جاساۋ زاۋىتى” سەرىكتەستىگىنىڭ باس ديرەكتورى پول ستەيحس, “قازاقتەڭىزكولىكتاسىمالى” جشس باس ديرەكتورى مارات ورمانوۆ نۇرسۇلتان ءابىش ۇلىنا زاۋىتتىڭ ءمان-ماڭىزى, كەرەمەتتەي كەلەشەگى, ونداعى زاماناۋي قۇرال-جابدىقتار جايلى ايتىپ بەردى.
تەلەكوپىر سوڭىندا ەلباسى نۇرسۇلتان نازارباەۆ قازىنالى تۇبەكتە قولعا الىنىپ, جۇزەگە اسقان يگىلىكتى ىسكە ساتتىلىك تىلەپ, جينالعانداردى قۋانىشتى ساتتەرىمەن قۇتتىقتادى.
__________________________________
تاعى ءبىر تاۋارلى - ءسۇت فەرماسى قوستاناي وبلىسىندا كەزەكتى ينۆەستيتسيالىق جوبا ىسكە اسىرىلدى قوستاناي وبلىسىندا ينۆەستيتسيالىق جوبالار قاتارىنان كەزەكتى ءوندىرىس ىسكە قوسىلدى. قوستاناي وبلىسىنىڭ سادچيكوۆ اۋىلىندا 400 باس اسىل تۇقىمدى ساۋىن ءىرى قارا مالعا ارنالعان جوعارى تەحنولوگيالى ءىرى تاۋارلى — ءسۇت فەرماسى اشىلدى. جوبانى “سادچيكوۆسكوە” جشس ىسكە اسىرىپ وتىر. جالپى قۇنى – 806 ملن. تەڭگەدەن اسادى, ونىڭ 685 ملن. – 2001-2014 جىلدارعا ارنالعان مەملەكەتتىك يندۋستريالىق-يننوۆاتسيالىق باعدارلاما شەڭبەرىندە “قازاگروقارجى” اق جەلىسى بويىنشا جانە رەسپۋبليكانىڭ ۇلتتىق قورىنان “قازاگرو” ۇلتتىق حولدينگ كومپانياسىنا بولىنگەن قاراجاتى ەسەبىنەن قارجىلاندىرىلعان. بۇل قوستاناي وبلىسىندا وتاندىق ليزينگىلىك كومپانيامەن قارجىلاندىرىلىپ وتىرعان ءبىرىنشى ينۆەستيتسيالىق جوبا ەمەس. وتكەن اپتادا وبلىستىڭ فەدوروۆسكوە اۋدانىندا “تۇرار” جشس ءىرى تاۋارلى-ءسۇت فەرماسى ىسكە قوسىلدى. وعان “قازاگروقارجى” ءوزىنىڭ بيۋدجەتتىك باعدارلاماسى شەڭبەرىندە 435 ملن. تەڭگەدەن ارتىق قارجى ينۆەستيتسيالادى. ءدال سول كۇنى, بىراق قوستاناي اۋدانىنىڭ جدانوۆكا سەلوسىندا “جاس قانات” برويلەر فابريكاسى” جشس ءىرى قۇس فابريكاسىنىڭ جەلىسى ىسكە قوسىلعان. بۇل جوبانى ىسكە اسىرۋ بارىسىندا “قازاگروقارجى” قۇرىلىس-مونتاج جۇمىستارى مەن جابدىق ساتىپ الۋعا 410,3 ملن. تەڭگە قارجى ءبولدى. سادچيكوۆكا سەلوسىنداعى قازىرگى زامان ءسۇت كەشەنىنىڭ جوبالىق قۋاتى جىلىنا 3 200 توننا ءسۇت ءونىمى. قوستاناي وبلىسى بويىنشا جانە تاياۋ جاتقان ايماقتاردا ءسۇتتى ءار ءتۇرلى اشىعان ءسۇت ءونىمدەرىنە قايتا وڭدەۋ جوسپارلانۋدا. “سادچيكوۆسكوە” جاۋاپكەرشىلىگى شەكتەۋلى سەرىكتەستىگىندە ساۋىن ءىرى قارا مال تۇراتىن ءوزىنىڭ قولدانىستاعى تاۋارلى-ءسۇت فەرماسى بار. فەرمادا مال ساۋ ءۇشىن ەسكى ساۋ اپپاراتتارى قولدانىلادى. بۇگىنگى تاڭدا جوسپارلانعان قاراجات شەڭبەرىندە 294,4 ملن. تەڭگە كولەمىنە كەشەننىڭ قۇرىلىسى, سونىمەن قاتار ساۋ زالى مەن مال ۇستاۋعا ارنالعان جاڭا جابدىق ساتىپ الۋعا قارجىلاندىرىلدى. سونىمەن بىرگە “قازاگروقارجى” اكتسيونەرلىك قوعامىندا شارۋاشىلىققا ۆەنگەر سەلەكتسياسىنىڭ گولشتينو-فريز اسىل تۇقىمىنىڭ مالدارىن ساتىپ الۋ ماسەلەسى شەشىلۋ ۇستىندە. جاڭا فەرمانىڭ ارقاسىندا 42 جۇمىس ورنى قۇرىلماقشى. ءىرى تاۋارلى-ءسۇت فەرماسى ىسكە قوسىلىسىمەن ءسۇت ونىمدەرىنىڭ يمپورتى قىسقارىپ, ايماق تۇرعىندارى جەرگىلىكتى ءوندىرىستىڭ ساپالى سۇتىمەن جانە ودان قايتا وڭدەلگەن ونىمدەرمەن قامتاماسىز ەتىلەتىن بولادى دەپ كۇتىلۋدە. جالپى, وسى ۋاقىتقا “قازاگروقارجى” كومپانياسىندا ەكىنشى ىرىكتەۋ كەزەڭى بارىسىندا ءار ءتۇرلى ينۆەستيتسيالىق جوبالاردى ىسكە اسىرۋعا ارنالعان 80-نەن اسا ءوتىنىم كەلىپ ءتۇستى. ونىڭ 14 ءوتىنىمى تاۋارلى-ءسۇت فەرماسىنىڭ قۇرىلىسىن قارجىلاندىرۋعا ارنالعان. بۇگىنگى تاڭدا كومپانيانىڭ نەسيە كوميتەتىمەن قولدانىستاعى ءوندىرىستەرگە تاعى دا قوسىمشا 4 جوبا ماقۇلداندى, ولار ەلىمىزدىڭ ءتۇرلى ايماقتارىندا ىسكە اسىرىلاتىن بولادى. ءتورت جوبا قارالۋ ۇستىندە. “قازاگروقارجى” 2009 جىلدان باستاپ قازىرگى زامان ءىرى تاۋارلى-ءسۇت فەرمالارىن قۇرۋ, قۇس فابريكالارىنىڭ, جىلىجاي شارۋاشىلىقتارىنىڭ, كوكونىس قويمالارىنىڭ جەلىلەرىن قۇرۋ جانە دامىتۋ, اۋىل شارۋاشىلىعى تەحنيكالارىن قۇراستىرۋ وندىرىستەرىن ۇيىمداستىرۋ, جەمىس-كوكونىس, تەحنيكالىق جانە ماي داقىلدارىن وندىرۋدە تامشىلاتىپ سۋارۋ تەحنولوگياسىن ەنگىزۋ سياقتى ەلىمىزدىڭ اۋىل شارۋاشىلىعىنداعى التى باعىتتا پەرسپەكتيۆالىق جوبالاردى قارجىلاندىرىپ كەلەدى. ينۆەستيتسيالىق جوبالار 12 جىل مەرزىمگە دەيىن جىلدىق 6 پايىز شارتتارىندا جانە 2 جىلعا دەيىن نەگىزگى بورىشتى وتەۋ بويىنشا جەڭىلدىكتى كەزەڭمەن ۇلتتىق قور قاراجاتىنان قارجىلاندىرىلادى. “ەگەمەن-اقپارات”.
