«تازا قازاقستان» اكتسياسى – تەك تازالىق جۇمىستارى عانا ەمەس, بۇل ازاماتتىق قوعامنىڭ ەكولوگيالىق مادەنيەتىن قالىپتاستىرۋعا باعىتتالعان ماڭىزدى قادام. جاستار رەسۋرستىق ورتالىعى مۇشەلەرى وسى باستامانىڭ وڭىردە كەڭ كولەمدە وتكىزىلۋىنە ۇيىتقى بولىپ كەلەدى.
« ەرتە كوكتەمنەن بەرى تۇراقتى تۇردە ۇيىمداستىرىپ جاتقان ءىس-شارانىڭ ماقساتى –جاستارىمىزدىڭ بويىندا ەكولوگيالىق مادەنيەتتى قالىپتاستىرۋ. بۇل تابيعاتقا جاناشىرلىقپەن قاراۋ, توڭىرەكتى قوقىسقا تولتىرماۋ, كوكتى جۇلماۋ, اعاشتى سىندىرماۋ سياقتى قاراپايىم قاعيدا. تۇپكى ماقسات ء–وسىپ كەلە جاتقان ۇرپاق بويىندا ەكولوگيالىق سانا قالىپتاستىرۋ. جاستار وسى جاعىنان ءبىر-بىرىنەن ۇلگى الادى», دەيدى اقتوبە وبلىستىق جاستار رەسۋرستىق ورتالىعىنىڭ باسشىسى سامعات ارتىعالين.
«تابيعاتتى قورعاۋ – ءاربىر ازاماتتىڭ پارىزى» دەپ ەسەپتەيتىن جاستار ەكولوگيالىق اكتسيا كەزىندە سۋ قويماسىنىڭ اينالاسىن قوقىستان تازارتىپ, ىنتىماقتاسا جۇمىس اتقاردى.
«دەمالۋشىلارعا دا قوقىستاردى وزدەرىمەن بىرگە الىپ كەتۋدى ەسكەرتتىك. وسىلايشا تازالىق جۇمىستارىن جۇرگىزىپ قانا قويماي, ادامداردىڭ ەكولوگيالىق مادەنيەتىن قالىپتاستىرۋعا دا ىقپال ەتىپ جاتىرمىز», دەيدى ۆولونتەر جانسەيىت قۋاندىق.
ايتا كەتۋ كەرەك, «تازا قازاقستان» جالپىۇلتتىق جوباسى اياسىندا بيىلعى جارتىجىلدىقتا اقتوبە وبلىسى بويىنشا جاستار رەسۋرستىق ورتالىقتارىنىڭ ۇيىمداستىرۋىمەن 332 ەكواكتسيا وتكىزىلىپ, وعان 8997 جاس قاتىستى.
اقتوبە وبلىسى
