فوتو: ۇكىمەتتىڭ ءباسپاسوز قىزمەتى
ۇكىمەت قاراعاندى وبلىسىنداعى 51 مەديتسينالىق مەكەمە قۇرىلىسىن اياقتاۋعا ارناۋلى مەملەكەتتىك قوردان 5,9 ميلليارد تەڭگە ءبولۋ تۋرالى شەشىم قابىلدادى. بۇل نىساندار «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا سالىنفپ جاتىر جانە ولاردى جىل سوڭىنا دەيىن پايدالانۋعا بەرۋ جوسپارلانىپ وتىر.
«شەت, اقتوعاي, اباي, بۇقار جىراۋ, قارقارالى, نۇرا جانە وساكاروۆ اۋداندارىندا جاڭا دارىگەرلىك امبۋلاتوريالار, سونداي-اق فەلدشەرلىك-اكۋشەرلىك جانە مەديتسينالىق پۋنكتتەر سالىنادى. ولاردى جۇزەگە اسىرۋ شالعايداعى ەلدى مەكەندەردىڭ تۇرعىندارى ءۇشىن مەديتسينالىق قىزمەتتەردىڭ قولجەتىمدىلىگىن ارتتىرۋعا باعىتتالعان. مەديتسينالىق قىزمەتكە قولجەتىمدىلىك, الدىن الۋ جۇمىستارى, ەرتە دياگنوستيكا, سونداي-اق توتەنشە جاعدايلاردا العاشقى كومەك كورسەتىلەدى», دەپ حابارلادى ۇكىمەتتىڭ ءباسپاسوز قىزمەتى.
ايتا كەتەيىك, ۇلتتىق جوبا اياسىندا ەلىمىزدە جالپى سانى 655 نىساننىڭ قۇرىلىسى جوسپارلانعان, ولاردىڭ ىشىندە بۇگىنگى كۇنگە دەيىن 480-ءى اياقتالدى. العاشقى مەديتسينالىق-سانيتاريالىق كومەك كورسەتۋ ورىندارى مەن اۋرۋحانالاردى جاڭعىرتۋ جۇمىستارىنا رەسپۋبليكالىق بيۋدجەتتەن جانە ارناۋلى مەملەكەتتىك قوردان قاراجات ءبولىنىپ جاتىر.
