فوتو: اشىق دەرەككوز
ساراپشىلار كىتاپ باعاسىنىڭ ءوسۋىن باسپا شىعىندارىنىڭ ارتۋىمەن, اۆتورلىق قۇقىقتىڭ قىمباتتاۋىمەن جانە نارىقتاعى سۇرانىس ەرەكشەلىكتەرىمەن تۇسىندىرەدى.
ماسەلەن, Kaspi.kz پلاتفورماسىندا ۇسىنىلعان ل. رون حابباردتىڭ ءبىر جيناعى 2 136 000 تەڭگە تۇرادى. ال كونفۋتسيدىڭ افوريزمدەر جيناعى 1,5 ميلليون تەڭگەگە باعالانىپ وتىر. بۇل – ارنايى مۇقابامەن, فۋتليارمەن, شەكتەۋلى تارالىمدا شىققان باسىلىمدار. قازاق ەتنوگرافياسىنا ارنالعان نۇرسان ءالىمبايدىڭ بەس تومدىعى دا 480 مىڭ تەڭگە شاماسىندا ساتىلىپ جاتىر.
بۇل باعا ساياساتى, ءبىر جاعىنان, ۇلتتىق مۇرا مەن ءبىلىمنىڭ قۇندىلىعىن تانىتسا, ەكىنشى جاعىنان – قوعامنىڭ كىتاپقا دەگەن قولجەتىمدىلىگىن شەكتەپ وتىر. بۇرىن «كىتاپ – ەڭ ارزان مۇعالىم» دەپ سانالسا, بۇگىندە ول «قۇندى ينۆەستيتسياعا» اينالعانداي.
كىتاپ دۇكەندەرىنىڭ مالىمەتىنشە, قازىر ورتاشا ەسەپپەن ءبىر كوركەم ادەبيەت كىتابى 5-15 مىڭ تەڭگە ارالىعىندا. اۋدارما نەمەسە شەتەلدىك باسىلىمدار 20 مىڭ تەڭگەدەن جوعارى.
