فوتو: halyq-uni.kz
بىراق وسى قاراپايىم شىندىقتى تۇسىنگىسى كەلمەي, اليمەنت تولەۋدەن جالتارعاندار قاتارى ازايماي تۇر. بۇل كەلەڭسىزدىكتەن ماڭعىستاۋ وبلىسى دا كەندە ەمەس. ماسەلەن, اقتاۋ قالالىق پروكۋراتۋراسى جىل باسىنان بەرى اليمەنت بويىنشا اتقارۋشىلىق قۇجاتتارعا تالداۋ جۇرگىزگەن بولاتىن. ناتيجەسىندە بىرقاتار قۇقىق بۇزۋشىلىق انىقتالىپ, ۋاكىلەتتى ورگانعا ۇسىنىس ەنگىزىلىپ, اليمەنتتەن قاشىپ جۇرگەندەردەن 33 ملن تەڭگە مەن 1 پاتەر ءوندىرىپ الۋشىنىڭ پايداسىنا بەرىلدى.
بۇعان قوسا, اليمەنت تولەۋدەن جالتارعان 26 ادامعا اقبتك-ءنىڭ 669-بابىنىڭ 1-بولىگىمەن ايىپپۇل جانە قاماققا الۋ تۇرىندەگى اكىمشىلىك جازا قولدانىلدى.
سونىمەن قاتار 5 ادامعا قاتىستى ماڭعىستاۋ وبلىسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى ايىپتاۋ ۇكىمىن قابىلدادى.
وبلىستىق پروكۋراتۋرا كامەلەتكە تولماعانداردىڭ كۇتىمىنە اليمەنت تولەمەگەن جاعدايدا قىلمىستىق كودەكستىڭ 139-بابىنىڭ 1-بولىگىمەن جاۋاپتىلىق كوزدەلگەندىگىن جانە اليمەنت ءوندىرۋ جونىندەگى اتقارۋشىلىق قۇجاتتار پروكۋراتۋرانىڭ باستى نازارىندا ەكەنىن ەسكەرتەدى.
