كەزدەسۋگە پرەزيدەنت كەڭەسشىسى قۋانىشبەك ەسەكەەۆ, پرەزيدەنت اكىمشىلىگىنىڭ وڭىرلىك دامۋ مونيتورينگى ءبولىمى مەڭگەرۋشىسى رۋستام باياليەۆ, ۆيتسە-مينيستر سۇڭعات ەسيمحانوۆ, متسرياپ جانىنداعى جاساندى ينتەللەكت جانە يننوۆاتسيالاردى دامىتۋ كوميتەتىنىڭ توراعاسى گيززات بايتۇرسىنوۆ جانە Phoenix Group كومپانياسىنىڭ تەحنيكالىق ديرەكتورى اليرەزا اردەبيلي مەن وپەراتسيالىق ديرەكتور ومار موحاممەد قاتىستى.
تاراپتار تسيفرلىق ماينينگ سالاسىنداعى جوبالار مەن وسى باعىتتىڭ قازاقستاندا جانە وڭىردە دامۋىنىڭ پەرسپەكتيۆالارىن تالقىلادى.
جاسلان ماديەۆ قازاقستان تاراپىنىڭ تسيفرلىق ماينينگتى دامىتۋعا جوعارى قىزىعۋشىلىق تانىتىپ وتىرعانىن اتاپ ءوتىپ, بۇل سالانىڭ ەلدىڭ تسيفرلىق ەكونوميكاسى ءۇشىن ستراتەگيالىق ماڭىزىن ەرەكشە اتاپ ءوتتى.
كەلىسسوزدەر قورىتىندىسى بويىنشا تاراپتار تسيفرلىق ماينينگ سالاسىندا ۇزاقمەرزىمدى ىنتىماقتاستىق ورناتۋعا ءوزارا كەلىسىمدەرىن ءبىلدىردى. بۇل سەرىكتەستىك تسيفرلىق ينفراقۇرىلىمدى نىعايتۋعا جاڭا مۇمكىندىكتەر اشادى.
