فوتو: اشىق دەرەككوز
سەناتور ەۆگەني بولگەرتتىڭ سۇراعىنا جاۋاپ بەرگەن ۇكىمەت باسشىسى ەكونوميكالىق ءوسىمدى قامتاماسىز ەتۋ ماقساتىندا جەڭىلدەتىلگەن قارجىلاندىرۋ تەتىكتەرى پايدالانىلىپ جاتقانىن اتاپ ءوتتى.
«ۇكىمەت «بايتەرەك» ارقىلى ۇلكەن باعدارلامانى ىسكە قوستى. بىلتىر حولدينگتىڭ تەتىكتەرى ارقىلى ەكونوميكاعا شامامەن 4 ترلن تەڭگە باعىتتالدى. بيىل بۇل كولەم كەم دەگەندە 8 ترلن تەڭگە بولۋى ءتيىس دەگەن مىندەت قويىلدى. وسى ماقساتتا «بايتەرەك» حولدينگىنىڭ كاپيتالىنا قوسىمشا 1 ترلن تەڭگە بولىنەدى. بيۋدجەت مۇمكىندىكتەرى شەكتەۋلى بولعانىمەن, بۇل مىندەتتى ورىنداۋعا بولادى», دەدى پرەمەر-مينيستر.
ونىڭ ايتۋىنشا, بۇل ءتاسىل جوعارى بازالىق مولشەرلەمە جاعدايىندا دا بيزنەستى قولجەتىمدى قارجىلاندىرۋمەن قامتاماسىز ەتۋگە مۇمكىندىك بەرەدى.
«قازىرگى 20 پايىزدىق مولشەرلەمەمەن نەسيە الۋ كاسىپكەرلەر ءۇشىن وتە قيىن. مۇنداي جاعدايدا قارىزعا قىزمەت كورسەتۋ اۋىر بولاتىنى تۇسىنىكتى. سوندىقتان ءبىز مولشەرلەمەنى 12,6 پايىزعا دەيىن تومەندەتۋدى كوزدەپ وتىرمىز», دەدى ولجاس بەكتەنوۆ.
