جوبانىڭ باستى ماقساتى – جاستاردىڭ نازارىن قارجىلىق قاۋىپسىزدىك پەن الاياقتىققا قارسى كۇرەسكە اۋدارۋ, زاماناۋي قاۋىپتەردەن ساقتانۋعا ۇندەۋ.
ويىنعا ەلىمىزدىڭ 9 وڭىرىنەن كەلگەن كوماندالار قاتىسىپ, قارجى پيراميدالارى, ينتەرنەت-الاياقتىق, دروپتار, بانك كارتالارىنا قاتىستى قاۋىپتەر, جالپى قارجىلىق ساۋاتتىلىق تاقىرىپتارىن كۇلكىگە وراي شەبەر ءورىپ, ساحنادا ءوزارا باق سىنادى. جاستاردىڭ بەلسەندىلىگى مەن كرەاتيۆى, ماڭىزدى ماسەلەلەردى جەڭىل ءارى وتكىر جەتكىزۋ قابىلەتى كورەرمەندەردىڭ ىستىق ىقىلاسىنا يە بولدى.
اگەنتتىك وكىلدەرىنىڭ ايتۋىنشا, جاستارمەن ديالوگ ورناتۋدا وسىنداي فورماتتاعى جوبالار تيىمدىلىگىن كورسەتىپ وتىر. اسىرەسە قازىرگى زامانعى الاياقتىق تۇرلەرىنىڭ كۇردەلەنە تۇسكەنىن ەسكەرسەك, قوعامدا قارجىلىق ساۋاتتىلىقتى ارتتىرۋ – ۇلتتىق قاۋىپسىزدىكپەن دەڭگەيلەس ماسەلە.
«زاڭدى كۇلكى» جوباسى – ءازىل ارقىلى ماڭىزدىنى ايتۋعا بولاتىندىعىن دالەلدەگەن تىڭ باستاما.
