200 سلەنگ سوزىنەن تۇراتىن سوزدىكتى ل.ن.گۋميلەۆ اتىنداعى ەۇۋ فيلولوگيا فاكۋلتەتىنىڭ دوكتورانتى قىمبات تۇرعانباەۆانىڭ كومەگىمەن قۇراستىرىلعان. ونىڭ ايتۋىنشا تىزىمدەگى سوزدەردىڭ ءبىر بولىگى - TikTok جانە Telegram ارنالارى ارقىلى قازاق, ورىس جانە اعىلشىن تىلدەرىنەن ەنگەن گيبريدتى ينتەرنەت-سلەنگتەر.
قولدانۋشىلاردىڭ 80 پايىزى سلەنگتى ەڭ كوپ Instagram جەلىسىندە قولدانعان, Facebook-تە 18, ال Telegram-دا 2 پايىز عانا. بۇل Telegram الەۋمەتتىك جەلىسىنىڭ ەلدە ەندى عانا تانىلا باستاعانىمەن بايلانىستى بولۋى مۇمكىن.
جەلى قولدانۋشىلارى «بازار جوق» - 45 پايىز, «قۇرسىن» - 15.3 پايىز, «قاسقا» - 8.3 پايىز, «برو» - 8.3 پايىز – ءسوز تىركەسى مەن سوزدەردى كوپ قولدانعان.
«بازار جوق» - بۇل امبەباپ «باس ءيدىم», ماقۇلداۋ مەن قۇرمەت بەلگىسى, «قۇرسىن» – «مەيلى» دەگەننەن «تاڭ قالدىرۋعا» دەيىنگى رەاكتسيا رەتىندە قولدانىلعانىن ايتادى زەرتتەۋشىلەر. ال «قاسقا» - ازداپ اشۋلانعان, بىراق مەيىرىمدى, ء«اۋ, اقىماق» دەگەن سەكىلدى نۇسقادا ايتىلعان.
سونداي-اق «پريمەرنو دەدىم عوي» گيبريدتى تىركەسى - Instagram-داعى ەڭ تانىمال سلەنگ تىركەستەرىنىڭ وندىعىنا ەندى. بۇل «مەن ەسكەرتكەنمىن» دەگەندى يرونيالىق تۇردە ايتۋدىڭ ءبىر ءتاسىلى.
«سلەنگ - بۇل جاي عانا قىزىقتى سوزدەر ەمەس. بۇل ءومىردىڭ, ەموتسيالاردىڭ, ۋاقىتتىڭ جىلدامدىعىنىڭ كورىنىسى. ءبىز الەۋمەتتىك جەلىلەردە جاڭا قازاق سويلەۋ ءتىلىنىڭ - جاندى, ديناميكالىق جانە وتە وزىندىك سيپاتتا قالىپتاسىپ جاتقانىن كوردىك. قازاق تىلىندەگى قازىرگى زامانعى جاستار سلەنگى - بۇل جاي عانا ترەند ەمەس, مادەني كودتىڭ ءبىر بولىگى. ول ەموتسيالاردى بىلدىرۋگە, قاۋىمداستىققا تيەسىلى ەكەنىن سەزىنۋگە, سونىمەن قاتار ءتىلدى ۋاقىت ىرعاعىنا بەيىمدەۋگە مۇمكىندىك بەرەدى. «بازار جوق», «قاسقا» سياقتى تىركەستەر الەۋمەتتىك جەلىلەردە, قالا جاستارى اراسىندا جانە بەيرەسمي سويلەۋدە بەلسەندى قولدانىلادى, بۇل دامىپ كەلە جاتقان ءتىل ءۇشىن مۇلدەم تابيعي قۇبىلىس», دەيدى قىمبات تۇرعانباەۆا.
LiveDune الەۋمەتتىك جەلىلەردى تالداۋ جانە باسقارۋ قىزمەتىنىڭ PR ءبولىمىنىڭ جەتەكشىسى ماريا چاشنيكوۆانىڭ ايتۋىنشا سلەنگ ءسان سەكىلدى جاڭارىپ وتىرادى.
«بىزگە الەۋمەتتىك جەلىلەردەگى قارىم-قاتىناس ءستيلىنىڭ قالاي دامىپ, ءتىل تۋرالى كلاسسيكالىق تۇسىنىكتى قالاي وزگەرتىپ جاتقانىن باقىلاۋ وتە قىزىقتى. ءبىز بۇل زەرتتەۋدى جىل سوڭىندا جالعاستىرىپ, 2025 جىلدىڭ ەڭ ءجيى قولدانىلاتىن سوزدەرى قانداي بولاتىنىن دا انىقتايمىز. دەرەكتەردىڭ دالدىگى قازاق ءتىلدى اككاۋنتتاردىڭ جانە سايكەسىنشە ءبىزدىڭ سەرۆيسىمىزدەگى پىكىرلەر بازاسىنا بايلانىستى. ول ۇنەمى ءوسىپ كەلەدى جانە ءبىز ونى عىلىمي زەرتتەۋلەرگە ۇسىنامىز», دەيدى م.چاشنيكوۆا.
كامشات تولەگەنوۆا,
ل.گۋميلەۆ اتىنداعى ەۇۋ-دىڭ 2 كۋرس ستۋدەنتى
