فوتو: ونەركاسىپ جانە قۇرىلىس مينيسترلىگى
بۇگىندە 1400-دەن استام جەڭىل ونەركاسىپ كاسىپورنى جۇمىس ىستەيدى, ونىڭ جارتىسىنان استامى كيىم تىگۋشىلەر.
ايتا كەتسەك, 803 – تىگىن ءوندىرىسى, 481 – توقىما ونەركاسىبى, 122 – تەرى جانە ىلەسپە بۇيىمدار شىعاراتىن كاسىپورىن.
ونەركاسىپ جانە قۇرىلىس مينيسترلىگىنىڭ ءباسپاسوز قىزمەتىنىڭ مالىمدەۋىنشە, مەملەكەت بيزنەسكە قولداۋ كورسەتۋدى ارتتىرىپ وتىر: 2024 جىلدىڭ مامىر ايىنان باستاپ كاسىپكەرلەر جابدىقتى ساتىپ الۋعا كەتكەن شىعىنداردىڭ 40%-عا دەيىنىن وتەي الادى, ول جىلىنا 60 ملن تەڭگەگە دەيىن قاراجاتتى قۇرايدى.
ودان بولەك, سالا جىلىنا 3 پايىزبەن جەڭىلدەتىلگەن قارجىلاندىرۋعا قول جەتكىزىپ, 9 ارنايى ەكونوميكالىق ايماقتاعى باسىم باعىتتاردىڭ تىزىمىنە ەندى. وتاندىق تاۋار وندىرۋشىلەردى قورعاۋ ءۇشىن 1100-دەن استام تاۋار تۇرلەرىن مەملەكەتتىك ساتىپ الۋداعى ۇلتتىق رەجيمنەن ەكى جىلعا بوساتۋ قاراستىرىلعان.
مەملەكەت جەرگىلىكتى وندىرىسكە ءۇمىت ارتىپ, «قازاقستاندا جاسالعان» ونىمدەردى تىگىپ, توقىپ, ءونىم شىعاراتىندارعا كومەكتەسۋگە دايىن.
