جوباعا اۋدان كولەمىندەگى 30- عا جۋىق ءتۇرلى سالاداعى جەكە كاسىپكەرلەر ءوز ونىمدەرىن شىعاردى. ولار وزدەرىنىڭ قولونەرىن, اۋىل شارۋاشىلىعى ونىمدەرىن جانە باسقا دا جەرگىلىكتى ونىمدەرىن تانىستىردى.
ء«بىر اۋىل - ءبىر ءونىم» جوباسى اۋىل ەكونوميكاسىن دامىتۋعا جانە اۋىل شارۋاشىلىعىنىڭ ءارتۇرلى باعىتتارىن ناسيحاتتاۋعا باعىتتالعان ماڭىزدى باستاما. جوبا - اۋىل تۇرعىندارىنىڭ كاسىپكەرلىك قابىلەتىن ارتتىرۋعا سەبەپشى بولادى. ءتۇرلى سەمينارلار مەن ترەنينگتەر ۇيىمداستىرىلىپ, اۋىل شارۋاشىلىعىنداعى جاڭا تەحنولوگيالار مەن ادىستەر تۋرالى اقپارات ۇسىنىلدى. بۇل ءوز كەزەگىندە كاسىپكەرلەر مەن شارۋاشىلىق يەلەرىنە ءوز ءوندىرىسىن ءتيىمدى باسقارۋعا جانە تابىستى بولۋعا مۇمكىندىك بەرەدى.
قاتىسۋشىلار مەن قوناقتار جاڭا ونىمدەر مەن يننوۆاتسيالىق شەشىمدەرگە قىزىعۋشىلىق تانىتتى. اتالمىش جوبا اۋىل تۇرعىندارىنا جاڭا مۇمكىندىكتەر اشىپ, ءوز كاسىبىن دامىتۋعا ۇمتىلعان ءاربىر ادامعا ماڭىزدى قولداۋ بولدى.
سونىمەن قاتار مەملەكەت باسشىسىنىڭ بيىلعى جىلدى «جۇمىسشى ماماندىعى» جىلى دەپ جاريالانۋىنا وراي ع. جارىلعاپوۆ اتىنداعى اگرارلىق كوللەدج وزدەرىنىڭ وقىتۋ بارىسىمەن, جۇمىسشى ماماندىقتارىن دايىنداۋ بويىنشا جۇرگىزىلىپ جاتقان وقىتۋ تەورياسى جانە تاجىريبەلىك دارىستەرىمەن تانىستىردى.
ۇلىتاۋ وبلىسى
