فوتو: انتيكور
«زاڭ جانە ءتارتىپ» يدەولوگيالارىن ىلگەرىلەتۋ شەڭبەرىندە قۇقىقتىق كەڭەس بەرۋ, ازاماتتاردى قابىلداۋ, اگەنتتىكتىڭ قىزمەتى جانە سىبايلاس جەمقورلىققا قارسى ءىس-قيمىل بويىنشا قابىلدانعان شارالار تۋرالى پرەزەنتاتسيالار ۇيىمداستىرىلدى.
سىبايلاس جەمقورلىققا قارسى ءىس-قيمىل اگەنتتىگىنىڭ قىزمەتكەرلەرى ازاماتتاردى ءتۇرلى وتىنىشتەر بويىنشا قابىلدادى, ونىڭ بارىسىندا كەلۋشىلەرگە بىلىكتى قۇقىقتىق كومەك كورسەتىلدى جانە قىزىقتىرعان ماسەلەلەر بويىنشا تۇسىنىكتەمەلەر بەرىلدى.
اگەنتتىككە وسى سالاعا قىزىعۋشىلىق تانىتقان مەكتەپ وقۋشىلارى دا كەلدى. كوپشىلىگى بولاشاقتا ءوز ماماندىعىن قۇقىق قورعاۋ ورگاندارىمەن بايلانىستىرۋعا جانە ەلىمىزدە جەمقورلىقتى جويۋعا ءوز ۇلەستەرىن قوسۋعا نيەتتى ەكەندەرىن ءبىلدىردى.
ءىس-شاراعا قاتىسۋشىلار ادىلدىك, ادالدىق جانە پاراساتتىلىق تاقىرىپتارىن قوزعاي وتىرىپ, ءوز ۇسىنىستارى مەن تىلەكتەرىمەن بەلسەندى تۇردە ءبولىستى, سونداي-اق سىبايلاس جەمقورلىققا قارسى شارالاردى جەتىلدىرۋ جونىندەگى يدەيالاردى ۇسىندى.
مۇنداي ءىس-شارالار ازاماتتارمەن تىعىز قارىم-قاتىناس ورناتۋعا, ولاردىڭ قۇقىقتىق ساۋاتتىلىعىن ارتتىرۋعا, سونداي-اق سىبايلاس جەمقورلىقتان باس تارتۋ مادەنيەتىن قالىپتاستىرۋعا مۇمكىندىك بەرەدى.
