وتكەن جىلدىڭ باسىندا 537 مەديتسينالىق ۇيىم بويىنشا كرەديتورلىق بەرەشەك كولەمى 82,3 ملرد تەڭگەنى قۇراعان ەكەن. بۇل جۇيەلى جۇرگىزىلگەن جۇمىستىڭ ناتيجەسى دەيدى قور ماماندارى. ياعني, قوردىڭ قارجىلىق تۇراقتىلىعىن ارتتىرۋ جونىندە ءىس-شارا جوسپارى بەكىتىلىپ, قىسقا مەرزىمدى جانە جۇيەلى شارالار كوزدەلىپتى. سونىمەن قاتار مەديتسينالىق قىزمەتكەرلەرگە ەڭبەكاقىنى ۋاقىتىلى تولەۋ مەن مەديتسينالىق ۇيىمداردىڭ كرەديتورلىق بەرەشەگىنە مونيتورينگ جۇرگىزۋ ءتارتىبى بەكىتىلىپ, بۇل جۇمىس وڭىرلىك دەنساۋلىق ساقتاۋ باسقارمالارىنىڭ قاتىسۋىمەن ىسكە اسىرىلعان ەكەن.
«مەديتسينالىق ۇيىمداردى قارجىلىق ساۋىقتىرۋ بويىنشا جۇرگىزىلگەن جۇمىستاردىڭ ناتيجەسىندە تۇراقتى وڭ ديناميكا بايقالىپ وتىر. بىلتىرعى وسى كەزەڭمەن سالىستىرعاندا كرەديتورلىق بەرەشەك 12%-عا تومەندەپ, 111,6 ملرد تەڭگەدەن 98,4 ملرد تەڭگەگە دەيىن ازايدى. اتاپ وتەرلىگى, مەرزىمى ءوتىپ كەتكەن بەرەشەك كولەمى ۇشتەن بىرىنەن دە كوپ مولشەرگە – 21 ملرد تەڭگەدەن 13,4 ملرد تەڭگەگە دەيىن قىسقاردى. بۇل كورسەتكىشتەر دەنساۋلىق ساقتاۋ مينيسترلىگىنىڭ دەر كەزىندە قابىلداعان شارالارىنىڭ, سونىڭ ىشىندە قارجىلىق تۇراقتىلىقتى ارتتىرۋ جونىندەگى ءىس-شارالار جوسپارىنىڭ بەكىتىلۋى مەن ايماقتىق دەنساۋلىق ساقتاۋ باسقارمالارىن تارتا وتىرىپ, بەرەشەك پەن جالاقى تولەمىنە مونيتورينگ جۇرگىزۋدىڭ ناتيجەسىندە مۇمكىن بولدى», دەدى الەۋمەتتىك مەديتسينالىق ساقتاندىرۋ قورى باسقارما توراعاسىنىڭ ورىنباسارى ينديرا ساركەنوۆا.
