فوتو: قر مادەنيەت جانە اقپارات مينيسترلىگى
ايتا كەتەيىك, الدىن الا بەينەىرىكتەۋ كەزەڭىنە 400-دەن استام ۇمىتكەر قاتىسقان. سونىڭ ىشىنەن بار بولعانى 12 ۇمىتكەر تاڭدالعان, سول ۇزدىكتەردىڭ قاتارىندا ايگەرىم التىنبەك تە بار.
«وپەرا ءانشىسى ايگەرىم التىنبەك – كوپتەگەن حالىقارالىق ۆوكالدىق بايقاۋلاردىڭ لاۋرەاتى.
ول تانىمال كومپوزيتور دجاكومو ءپۋچچينيدىڭ 100 جىلدىعىنا وراي ۇيىمداستىرىلعان حالىقارالىق وپەرا انشىلەرى بايقاۋىندا جەڭىمپاز اتاندى. سونىمەن قاتار يتاليانىڭ مودەنا قالاسىندا وتكەن نيكولاي گياۋروۆ اتىنداعى وپەرا انشىلەرىنىڭ حالىقارالىق بايقاۋىندا ءۇشىنشى ورىندى يەلەندى. قازاقستاندىق ءانشى اتاقتى يتاليالىق وپەرا ءانشىسى ميرەللا فرەنيدىڭ ارنايى سىيلىعىن الدى. الەمنىڭ 470 قاتىسۋشىسى قاتىسقان رەناتا تەبالدي اتىنداعى حالىقارالىق ۆوكال كونكۋرسىندا ونەرپاز ەكىنشى ورىنعا يە بولدى», دەپ حابارلادى قر مادەنيەت جانە اقپارات مينيسترلىگىنىڭ ءباسپاسوز قىزمەتى.
سونىمەن قاتار ايگەرىم التىنبەك 25 ماۋسىمدا الەمگە ايگىلى تەنور حوسە كاررەراستىڭ كونتسەرتىندە دە ونەر كورسەتەدى. كەش بارىسىندا الەمدىك كلاسسيكاعا ەنگەن وپەرا اريالارى مەن دۋەتتەر ورىندالادى.
سونداي-اق 27–28 ماۋسىم كۇندەرى يتاليانىڭ نەاپول قالاسىندا وتەتىن اندرەا بوچەلليدىڭ مەرەيتويلىق كونتسەرتىنە قاتىسىپ, اتى اڭىزعا اينالعان تەنورمەن ءبىر ساحنادا ءان شىرقايدى.
بۇل تالانتتى ءانشىنىڭ كاسىبي شەبەرلىگى مەن تاباندىلىعىنىڭ ناتيجەسى عانا ەمەس, سونىمەن قاتار مەملەكەتتىڭ جاس ونەرپازداردى قولداۋعا باعىتتالعان جۇيەلى ساياساتىنىڭ جەمىسى.
