فوتو: Exyuaviation.com
SCAT اۋە كومپانياسىنىڭ رەسمي حابارلاماسىنا سايكەس, رەيستەردىڭ كەشىگۋى مەن توقتاتىلۋىنا فورس-ماجورلىق جاعدايلار سەبەپ بولعان.
«بىرقاتار قالالاردا قۇستارمەن سوقتىعىسۋ سالدارىنان اۋە كومپانياسىنىڭ ۇشاقتارى زاقىمداندى», دەلىنگەن حابارلامادا.
سوعان قاراماستان, كومپانيا رەيستەر كەستەسىن قىسقا مەرزىمدە تۇراقتاندىرۋ ءۇشىن بار كۇشىن سالىپ جاتىر.
قوسىمشا ۇشاقتار جەدەل تۇردە جىبەرىلدى, جوسپاردان تىس تەحنيكالىق قىزمەت كورسەتىلىپ جاتىر. وسىعان بايلانىستى كەيبىر رەيستەردىڭ كەستەسىنە ۋاقىتشا وزگەرىستەر ەنگىزىلەدى.
انتاليا – استانا جانە اقتوبە – انتاليا باعىتتارىندا وزگەرىستەر بولدى.
«انتالياعا قوسىمشا ۇشاق كەلگەنشە, جولاۋشىلارعا قوناق ۇيلەردە تۇرۋ مەرزىمى ۇزارتىلدى. بارلىق قولايلى جاعدايلار قامتاماسىز ەتىلگەن. رەيس 2025 جىلعى 23 ماۋسىمعا جوسپارلانعان», دەدى اۋە كومپانياسى.
اقتوبەدە رەيستى كۇتىپ وتىرعان جولاۋشىلارعا ىستىق تاماق پەن سۋسىندار ۇسىنىلدى. كومپانيا وكىلدەرى مەن تۋروپەراتورلار جولاۋشىلارمەن ۇنەمى بايلانىستا, كەستە قاجەتتىلىككە قاراي رەتتەلىپ جاتىر.
2025 جىلعى 23 ماۋسىمدا ۇشاقتاردى قايتا بولۋمەن بايلانىستى كەلەسى باعىتتار بويىنشا رەيستەر كەشىگۋى مۇمكىن:
-
الماتى – شارم-ەش-شەيح
-
الماتى – انتاليا
-
انتاليا – الماتى
سونداي-اق, حالىقارالىق جاعداي مەن جەكە اۋە كەڭىستىگىنە ۋاقىتشا شەكتەۋلەر ەنگىزىلۋىنە بايلانىستى 2025 جىلعى 23 ماۋسىمعا جوسپارلانعان استانا – دوحا رەيسى توقتاتىلدى.
ال تاياۋ شىعىستاعى قاقتىعىستىڭ ۋشىعۋىنا بايلانىستى Air Astana كومپانياسى دا كەلەسى رەيستەردى 2025 جىلعى 23 ماۋسىمدا توقتاتتى:
-
KC191/192 – اتىراۋ – دۋباي – اتىراۋ
-
KC205/206 – استانا – دۋباي – استانا
-
KC897/898 – الماتى – دۋباي – الماتى
-
KC655/656 – استانا – دوحا – استانا
