ءىس-شارانىڭ نەگىزگى الاڭى — ا. ساگىنوۆ اتىنداعى قاراعاندى تەحنيكالىق ۋنيۆەرسيتەتىنىڭ قارقارالى قالاسىنداعى «پوليتەح» وقۋ-گەولوگيالىق پوليگونى بولدى.
ۋنيۆەرسيادا ەلىمىزدىڭ بارلىق وڭىرلەرىنەن كەلگەن ستۋدەنتتەردى, ماگيسترانتتاردى, وقىتۋشىلاردى جانە سالا ماماندارىن توعىستىردى. بۇل ءىس-شارا گەولوگيالىق عىلىمعا دەگەن قىزىعۋشىلىقتى ارتتىرۋعا, تاجىريبە الماسۋعا جانە بولاشاق مامانداردىڭ پراكتيكالىق داعدىلارىن دامىتۋعا باعىتتالعان.
II گەولوگيالىق ۋنيۆەرسيادانىڭ جەڭىمپازدارى:
• I ورىن — سەمەي گەولوگيالىق بارلاۋ كوللەدجى
• II ورىن — نازارباەۆ ۋنيۆەرسيتەتى
• III ورىن — قازاق-بريتان تەحنيكالىق ۋنيۆەرسيتەتى (قبتۋ).
جەڭىمپازدارعا ديپلومدار, سەرتيفيكاتتار جانە اقشالاي سىيلىقتار تابىستالدى. سونىمەن قاتار, Satbayev University رەكتورىنىڭ اتاۋلى گرانتى مەن قر وقم گەولوگيا كوميتەتىنىڭ العىس حاتتارى بەرىلدى.
ماراپاتتاردى ۋنيۆەرسيادانىڭ باس ۇيىمداستىرۋشىسى — PhD دوكتورى, Satbayev University-ءدىڭ «گەولوگيالىق ءتۇسىرۋ, پايدالى قازبالار كەن ورىندارىن ىزدەۋ جانە بارلاۋ» كافەدراسىنىڭ قاۋىمداستىرىلعان پروفەسسورى ماكسات كەمباەۆ تابىستادى.
سالتاناتتى اشىلۋ ءراسىمى بارىسىندا Satbayev University رەكتورى مەن ا. ساگىنوۆ اتىنداعى قاراعاندى تەحنيكالىق ۋنيۆەرسيتەتىنىڭ رەكتورى كەلەسى, III قازاقستاندىق گەولوگيالىق ۋنيۆەرسيادا وسكەمەن قالاسىنداعى د. سەرىكباەۆ اتىنداعى شىعىس قازاقستان تەحنيكالىق ۋنيۆەرسيتەتى بازاسىندا وتەتىنىن رەسمي تۇردە مالىمدەدى.
«ساتپاەۆ» ۋنيۆەرسياداسى جاس گەولوگتاردىڭ جوعارى كاسىبي دايارلىعىن كورسەتتى جانە قازاقستاندا گەولوگيالىق عىلىمعا دەگەن قىزىعۋشىلىقتىڭ تۇراقتى تۇردە ارتىپ كەلە جاتقانىن دالەلدەدى. Satbayev University بارلىق قاتىسۋشىلار مەن سەرىكتەستەرگە شىنايى العىسىن بىلدىرە وتىرىپ, گەولوگيا عىلىمىن ىلگەرىلەتۋ باعىتىندا ودان ءارى ىنتىماقتاستىققا شاقىرادى.
